Ayub buhup Bildad nihyet
26
1-2 Noro Ayub buhup <<Mbenjen! Na di angon ki bibor apingok da di disindem bi ba, diduhug-duhug nyen dini dingonti!3 Mbenjen! Ade nipingok dati kin ade ningginau dati tereu nok nihyet di apai bak no di bbwe di dani dima kei-kau!
4 Apai ahyetti dima bak tou i? Tou ribindei hei gima ei angonti di bindei dino ambrap nok gima i?>>
Bildadp
5 Bildad buhup <<Njungwes di ingat rin ei minu nimai nya ide idigit ba, minyei kin mun di joti nya cem hagom ugwa-kwei.
6 Minu nimai nya ide kau bijo bou Allah niyai him. Ikibou kep bi apino Noni ngig niyai kep hagom.
7 Allah kieng mpia-bbed him gau muk ningwa dip. Noni pindur dihyeisi dini ei mpia-bbed him ningwakti lo, mun nyeng hi hati bi.
8 Noni bindei ba, bumbuhui mpung tut minyei nindig bibor noro nibuhunti bindei ba, bumbuhui dima krup tut bi.
9 Noni ku bed yeng jou niimaisi ei bumbuhui di Nonti kieng di kes ei mpia-bbed him dima ninghim.
10 Allah ciu ninghau gom ei muk ndig ningwa dip leu binhyepo bikwas nipigati leu nidinditi.
11 Mpe dino Allah ba nihyet di noyam kin kru bimbrua lene cou di bahati mpia-bbed him nya ugwa-kwei.
12 Nide nisindemti om kep muk ndigsiq de nisindemti. Noni ba ningon di ki bibindei timek mindhe Rahabr cem.
13 Noni ba ninnei bicok mpia-bbed him leu ba, kwes kei. Lene ba ninda biyai nimai bak mindhe naga di niten-pos di srei binangs cem.
14 Noro gima yok hagom ne mun di biyai hamem ingonti tut Nide nisindemti ri. Gima ne nahamuisi he di tibim ei nyeni itingou nsi ri. Nyeni ingon di huk niti tut Allah kin Nide nisindemti di nindig bibor poi mien bibor he!>>