Nikinding ngug tig ttai minu ndig Yerusalemti
3
1 Gini ne srat nibohon tut notou nyeni ikinding ngug tig dima ttai minu ndig Yerusalem ninggekti ri.d Elyasib di Imam Nibou Ndig ya tut nisut bat imam nya ba, iwin Dimbou Pmem Domba ba, ibikinding dimbou pmem nimeng nya leu api ipiga gima hagom pijum ei mem TUHAN. Lene ikinding ngug tig kikau ug ei ig di bon ninggre di jo-jo yam dip ei anai mem gima ibiya ser minu ndig Gi Sratus Gom ba, ibinut bu kikau ug ei ig di bon ninggre di jo-jo yam dip ei anai mem gima ibiya ser minu ndig Hananeel ba, ipiga gima hagom pijum ei mem TUHAN.2-16 Ter leu imam nya dima yok lene yo di inyeng tibim kin daptar ei bijehei dini jug ikinding ngug tig dima ttai minu ndig nikineisi hanyen kin dimbou pmem nya kin ig di bon ninggre di jo-jo yam dip ei anai mem gima ibiya ser minu ndig bibibit yam nok gini juug. Zakur di Imri nipmot kin limwa Yerikho nya ibinut nikindingti gom bu. Senaa ninsi de nya iwin Dimbou Pmem Wau cem ikinding nidihim nya kin nimeng nya kin nimbumbati di ibikat kin yam nya kin nibikibiti nya cem. Meremot di Uria nipmot ba, Hakos nignyon win ngug tig gi simin bu. Mesulam di Berekhya nipmot ba, Mesezabeel nignyon win ngug tig gi simin bu. Zadok di Baana nipmot win ngug tig gi simin bu. Timiei minu ndig Tekoa nya iwin ngug tig gi simin bu (noro yo di inyeng jei ei minu ndig dima ikou sut gima isu yo mem midyai dima). Yoyada di Paseah nipmot kin Mesulam di Besoja nipmot iwin Dimbou Pmem Yesyanae ba, ibikinding nidihim nya kin nimeng nya kin nimbumbati di ibikat kin yam nya kin nibikibiti nya cem. Melaca di timiei Gibeon kin Yadon di timiei Meronot bitut limwa Gibeon kin Mizpa nya iwin ngug tig gi simin bu kikau ug bipek kin nibou hanjop Efrat-Mpia-Nikimbasti de igya. Tukan mas Uziel di Harhaya nipmot win ngug tig gi simin bu. Hananya di bon mini di ui-gwang kei win ngug tig gi simin bu ug bipek kin Ngug Tig Gi Nyan. Refaya di Hur nipmot win ngug tig gi simin bu ba, Hur ne nibou di ninyeng tak kep minu ndig Yerusalem nite hi ri. Yedaya di Harumaf nipmot win ngug tig gi simin di jo dideu nonti nide ig yati bu. Hatus di Hasabneya nipmot win ngug tig gi simin bu. Malkia di Harim nipmot kin Hasub di Pahat-Moab nipmot iwin ngug tig gi simin bu kin ig Hum Bousi di bon ninggre di jo-jo yam dip ei anai cem. Salum di Halohes nipmot ya tut nipmisop bat nya ba, iwin ngug tig gi simin bu. Ba, Halohes ne nibou di ninyeng tak kep minu ndig Yerusalem nite hi bu ri. Lene Hanun ya tut timiei minu ndig Zanoah nya biwin Dimbou Pmem Mbang Briep ba, ibikinding dimbou nimeng nya kin nimbumbati di ibikat kin yam nya kin nibikibiti nya cem ba, ibiwin ngug tig di nijeisi meter sratus bitai ningot bitai simin bu kikau ug bipek kin Dimbou Pmem Mumpiang. Malkia di Rekhab nipmot di ninyeng tak kep hanjop Bet-Kerem win Dimbou Pmem Mumpiang bikinding nimeng nya kin nimbumbati di ibikat kin yam kin nibikibiti nya cem. Salum di Kolhoze nipmot di ninyeng tak kep hanjop Mizpa kinding Dimbou Pmem Minyei Bousi ba, bimie cau eisi cem bikinding nimeng nya kin nimbumbati di ibikat nya kin nibikibiti nya cem. Noni win ngug tig simin bu di sir Urwer Minyei Jui di jo dideu ig nibou ndig de miai mitou nghousi kikau ug bipek kin lin di ibijuk leu Daud De Minu Ndig kwei eisi. Nehemia di Azbuk nipmot di ninyeng tak kep hanjop Bet-Zur nite hi win ngug tig simin bu kikau ug bipek kin jui dip di itig Daud kin nide bat nya eisi kikau ug bipek kin urwer minyei jui di ibon bou inda him kin tentara nibousi di igya coi cem.
Lewi nya di ibicom yam bit yo di iwin ngug tig
17-21 Lewi nya iwin ngug tig nititnon poi bram yam ba, inyeng bit leu daptar ei bijehei dini jug nitibimti. Rehum di Bani nipmot win ngug tig simin bu. Hasabya di ninyeng tak kep hanjop Kehila nite hi win ngug tig simin bu gau nide limwa nya. Binui di Henadad nipmot di ninyeng tak kep hanjop Kehila nite hi bu win ngug tig simin bu. Ezer di Yesua nipmot di ninyeng tak kep hanjop Mizpa win ngug tig simiak ig gudan di minggwen nya joti kikau ug bipek kin ngug tig nikropti. Barukh di Zabai nipmot win ngug tig simin nikropti dima kikau ug bipek kin Imam Nibou Ndig Elyasib de dimbou huigya. Meremot di Uria nipmot di Hakos nignyon win ngug tig simin bu kikau ug bipek kin Elyasib de ig yati nite dima kwei.
Imam nya di ibicom yam bit yo di iwin ngug tig
22-26 Imam nya iwin ngug tig nititnon poi bram yam ba, inyeng bit leu daptar ei bijehei dini jug nitibimti. Imam dini yok ibong dideu minu ndig Yerusalem bibinut niwin ngug tigti simin Meremot niwin ngug tig pima. Benyamin kin Hasub iwin ngug tig di jo sur ide ig yati nya nuhui simin bu. Azarya di Maazya nipmot ba, Ananya nignyon win ngug tig di jo sur nide ig yati simin bu. Binui di Henadad nipmot win ngug tig sur Azariah de ig yati simin bu kikau ug bipek kin ngug tig nikropti. Palal di Uzai nipmot win ngug tig simin nikropti dima bu cem simin ig di bon ninggre di jo-jo yam dip ei anai ig nibou ndig de dideu mpia di jo bas hak di iba ngug tig bikrop ttai di tentara nya igya ser cem. Pedaya di Paros nipmot win ngug tig simin bu kikau ug bipek kin Dimbou Pmem Minyei nite bei mpia nipriti cem dideu ig di bon ninggre di jo-jo yam dip ei anai mem yo di igya ser TUHAN De Ig cem. (Mpia Ofel mem timiei di igyai midyai ei TUHAN De Ig ibong eisi jo ting leu mpia dini bi.)
Yo di nindigsi di ibicom yam bit yo di iwin ngug tig
27-32 Yo di inyeng jo bijehei dini jug rino ibinut niwin kep ngug tigti bu. Timiei minu ndig Tekoa nya iwin ngug tig simin bu ba, gima birok kik ig niya ser TUHAN De Ig ei anai pima nuhui kikau bipek kin ngug tig dideu mpia Ofel pima. Imam di ibong dideu Dimbou Pmem Kuda nya iwin ngug tig simin bu ei ide ig yati nya di birok kik dimbou pmem dima nuhui kikau ug ei nite bei mpia nijjai. Zadok di Imer nipmot win ngug tig di jo sur nide ig yati. Semaya di Sekhanya nipmot di ya ser Dimbou Pmem Bei Mpia Priti win ngug tig di jo sur nide ig yati. Hananya di Selemya nipmot kin Hanun di Zalaf nipmot gi nimuhwindagom iwin ngug tig simin bu. Mesulam di Berekhya nipmot win ngug tig di jo sur nide ig yati simin bu. Malkia di tukan mas win ngug tig simin bu ug bipek kin ig ndig di yo di igyai midyai ei TUHAN De Ig pima yok kin nitri-nibipek mun cig nya ibong niti niyati dideu Dimbou Pmem Mifkad.f Ba, mpia dini dideu ninsi di jo nai ei ngug tig dip nikropti ei nite bei mpia nijjai-nipriti ninghas nyahan. Tukan mas nya kin nitri-nibipek mun cig nya pima iwin ngug tig nikenti ei ninsi di jo nai ei ngug tig dip nikropti kikau ug bipek kin Dimbou Pmem Domba.