Musa niyaijo ningwig honti
34
1 Lene Musa jo leu briep ndig Moab bikui ug ei Nungug Nebo kikau ug ei mbigdip Pisga di jo bei mpia nipriti hammi Yerikho di jo bei mpia nicutti. Tirigi noni kui su lene TUHAN ndo minu Kanaan hagom brei binoni leu api noni cap minu Gilead kikau ug bipek keret Dan ide hanjop nsi di jo bei mpia nijjai. 2 Kin keret Naftali kin keret Efraim kin keret Manasye kin keret Yehuda yahagom ide dihyei hanjop nsi nya kikau ug bipek Muk Hacan. 3 Kin hanjop keret Yehuda nite hi di jo bei mpia nibiho kin briep ndig di ug bipek Zoar kikau ug bipek dui nghousi ei Yerikho. 4 Lene TUHAN pai bak Musa <<Dihyei hanjop nsi dima hagom dipreu ei mem Abraham kin Ishak kin Yakub leu binhyepo diyai bak ide nintun him yamti di bram yam nya. Disindui sut gima acap hagom noro dipai ser nhyema acoi ug eisi bi.>>5 Lene Musa di nok TUHAN de awak mai ei sirima ei minu Moab bit leu nok gi po TUHAN pai sut noni pima. 6 Lene TUHAN Nonti tig Musa ningut ei briep ndig Moab di jo hammi Bet-Peor. Noro tungwatu nya ikan tut nijui dip nijoti bi kikau kwei bipek ammani kep 7 Musa de njap ug ei ari bingwam sratus gom ningot can leu api mai lo, ninghim koi ba, niyai mmui cem bigyo. 8 Lene mben Israel ingon ngguk bibor tut Musa nimaisi kikau mem njap ningot ningai ei briep ndig Moab.
9 Mpe dima ne Yosua di Nun nipmot yai ningon di ki lewo Musa ndo noni leu binhyepo ya luei nohoti. Lene mben Israel ibit Yosua nihyet ba, igyok ngon kep TUHAN nicuk yokti nya di Noni sok ei Musa dip bak yoni.
10 Nabi di noyam kin Musa hi srig mben Israel ikieti bi sren. Lewo TUHAN ndo Nonti bak bimbrap hammi Musa niimaisi. 11 Nabi hi di bibon mun di mindur kin bindo dem kep nok gi hi di Musa bibon tirigi TUHAN pinak noni ndam nibou ndig mben Mesir kin yo di igya kui noni kin nide limwa nya hi bi sren. 12 Nabi di sindem nok Musa mem gima bibon mun di mindur di bindei ba, tungwatu nya ingon ttin bibor nya bou mben Israel igyai him hi bi sren.