SRAT MBEN ISRAEL IMBUT-MBUT NYEN
NIHYET GI BIBIE TUT
Srat Mben Israel Imbut-mbut Nyen pai sut mun di pek kep mem mben Israel ei ari bingwam nitindur ningot bitai tirigi po ijo leu Nungug Sinai pima kikau ug bipek njap dino yuug krau minu Kanaan nite bei mpia nipriti. Allah preu ei mem yok tut minu dima bipia minu dima minok ide minu jep di Noni miwin mem yok bu. Srat dini nitriti pai sut mpe di Musa kwop nide limwa nya yahagom imangti ei Nungug Sinai lene ninggrupti pai sut mpe di noni kwop imangti mbigom kin bu tirigi yuug krau minu Moab. Mpe dima ne andigpoi nya di iba ingon com Allah haigtu bi ei Kades-Barnea yahagom imai su. Ei nijam nikieti tirigi ikwop imangti gi nigom tu noro ikwop imangti gi nican bigyo lene mben Israel imbut ug ei Kades-Barnea di jo simiak minu Kanaan bei mpia nibiho noro ibrim ingkek mem gima icoi ug ei minu jep di Allah preu sut ei mem yok bi lewo ittin bibor. Niabiati ibong ei hanjop Kades-Barnea mem nijam di jei bibor lene imbut ug ei minu di jo ei Minyei Yordan nite dima ug ei bei mpia nipriti. Mpe dima ne keret mben Israel poi ingot ide ig ba, igyai miai ei sirima noro nindigsi nya itin ei mem isigon minyei pima ba, yuug krau minu Kanaan.
Srat dini pai sut tungwatu nya ningot ndig di ingon nghen ba, ittin bibor cem tirigi mun di buhun cut igkep yok. Yaham imbuk kep Allah kin Musa di Allah ta nok ide nibou cem. Srat dini pai bipia mbro nok gino Allah de limwa nya ibrim ingkek haigtu ba, ibit nihyet bi lo, Noni nyohou yok nok gi kei lene ningon gom tut yok. Lene pai sut Musa bipia mbro nok gino noni om ningon tut yok gom-gom bi lo, noni ta nibou ei gi brim ningkek mem Allah kin nide limwa nyati cem.
Nirop Ninda Ndigsi
Mben Israel itin ei mem ijo leu Nungug Sinai 1:1--9:23
a. Musa kwop imangti gi nigom 1:1--4:49
b. TUHAN de nipingok yokti 5:1--8:26
c. Njap Ndig Paskah gi nican 9:1-23
Ijo leu Nungug Sinai bimbut ug ei minu Moab 10:1--21:35
Mun di pek kep mem yok ei minu Moab 22:1--32:42
Nirop ninda ndigsi tut imbutti leu minu Mesir kikau ug ei minu Moab 33:1-49
TUHAN de nicuk yokti nya nipou tirigi isigon Minyei Yordan bigyo 33:50--36:13