SRAT IMAM NYA IDE MIDYAI
NIHYET GI BIBIE TUT
Srat Imam Nya Ide Midyai pai sut Allah nipingok mben Israelti tut nisinati mem gima ikuk yok bak Noni kin nibon midut nya cem ei nimbie him ngat. Lene pai sut Allah nipingok imam nyati tut midyai di igyai ei Nide Prak Mengti.
Ningat ne srat dini pai sut Allah de ningon di kwes-kwausi lene tut nisinati mem gima Nide limwa nya ikuk yok biNoni igbit leu binhyepo mun di kinei hi sigi ser ingon di kwes kin Noni bi.
Ayat di jo nibreisi mem nye di mbusyamei nya ei srat diniti rino pasal 19:18 di Yesus ndat kep bipai bipia nicukti gi nican di bon ninyeng noyam kin gi gom tibim nok gini <<Ma angon ngakei hiter bit leu nok angon ngakei nanti.>>
Nirop Ninda Ndigsi
Nicukti tut munkwas kin mun di indig kep hum ei nimbar hum dokti 1:1--7:38
Nibon midut nita Harun kin nipmot bat nyati ba, inok imam 8:1--10:20
Nicukti tut inghuisi kwes lene tut map di kui tungwatu nyati 11:1--15:33
Ningginausi tut Njap Nindig Nibikos Ser Sisar 16:1-34
Nicukti tut gi ikuk yok bak Allah kin igyai munti di kwes kei cem 17:1--27:34