Erkampattepa Matʼaafa Takkaya Aʼilla Mari
10
Xaysa thupettay erkampatte pile the dhikitay urraththe urkuytipa isi monthonu oodhdhaasikki an hiʼi.
Erkampattisanna pukkaqatte makarte na qagha.
Miinte thiisi qhamo oqhayatte,
luhhe hiisikka dhiipe haththatti lighe;
2 xargheetekka matʼafa marankossi takkaya ho pulami dhoqhti,
luhte miskittottay pasoosi,
pixxateettay kappesikki oghghadhiti.
3 Qhamo karmossi hula kulakki ikkitto dhamattay riirti,
xinkessi riirtina ikkitto ghawwaqessi thaxxannakki qalladhi.
4 Xinke ghawaqessi thaxan qalladhenna,
tooxenukki an gharsadhi,
naqharray ikkitto ho iyya:
“Olissa ghawwaqissa thaxan qalladheesi bhadhma olo tooxi” ki ammoonthito apaqhi.
5 Xaysa tupettay erkampattessi pasopa kappeema shikkartipa hiʼa,
xargho miiskittoosikki montho qila ghapattipa
6 Hossi monthopa kappepa pasopa olho nakittatte qagha kaasasi ummipa isi perre ye hume sheeghe saasa qaaknattay akutadhi,
hasakka payi:
“Xasay tupettay ye olathaminti,
7 naqharray kuyyaqqessi erkampatte thaxantoy kaththako yoqhtina,
qhamu hxumamapawhe kodhampawhe Huusunu armatheesi kula bhadhdhamte Haallikkito idhdhikkannay.”
8 Nakalakka ikkittossi monthikki ya qalladha ihholi hasa yela payu:
“Ashshapa erkampaththisay pasopa kappema shikkartina xargheete matʼafassi pulami na akkay.”
9 Anokka erkampattissa kulakki an ashshipa matʼaafassi aʼilla mari takkayaasi qhamu ye teexntinu na kasqadha,
isekka iyyela payti:
“Ha,
akkadhpa yiʼoy,
karqiththito ihho dhilla,
pakito kapay qhamo sakmito hola soori.”
10 Anokka an akkadhipa yiʼo,
pakito qhamo sakmito iyyela soori,
an loqhi tupettay kapay karqiththito ye dhili,
11 Nakala hasa ayela payi:
“Qhoota waarshidhdheetepa sanynyadhdheetepa waarsho pakke qawni qawni qalladhapa poghuladheete lanka hxuma qalle ho gheeqasa.”