Eemko Yohannise
Inthawte
Eemku Yohannise xeere ana tooxi xinkessi piyyadhdhe kaasay rafiste Roomenna kaalla qagheppa rafisampakko piyyisana Kʼeesare ana payikka isi paya: “Ye male pogholho pile qhooti ye qaghi maallay ye sakate gheeqasana.” Hussana haqti kristaanadhdhe qhooti Iyyesus Kristoose qhamu Pogholho huusundhi kodhdhisa dhukkaysadhe maallay ghoghoramepa rakko na dhaghghapu. Tooxampakkuy olhu ghulasipa isi qalla he nappapana kippo huusundhi qhamu hoqhqho kodhdhininu. Holuppa ghoghoramepa rakko na dhaghapana qhamu dhukkaysadhettay dhikitnennu.
Matʼafinna karo ghula eemkidhdhe kisha he ille kala ghadhesamekki na qagha, eemkidhisakka he koro dhukkayasadha perrisana qaghanu pareema arama, koro pilenu kapay onke ye pareema armadhetakki xawthame. Qhama qhalitakito hoholi kula kasidhdhe matʼafinnakka eemkidhdhe qawni qawnittakki ana hoholipa xawadhu. Qhoota matʼaafi dhihadhe qawni qawni iqaghtikka payni olho ana maallay tooxi ho pareema arama. Hussakka Haallikko Pogholho Kristoosettay toʼoni malekki Seetʼanapa paarakaradhdhe huusu kaasasi putni, ipputi tupettay he Usoosi dhukkaysathamettay qaakenu sake montho qhawthititopa piyye qhawthitatte innu teexni.
Olho Matʼaafi Ghapadhi
Inthawte 1:1-8
Armadhe Kristooseppa erkidhdhissi amanne kristaanay thaxxannu tooxi 1:9-3:22
Matʼafapa maythamassi thaxxan 4:1-8:1
Kaththakkossi taxan 8:2-11:19
Pafkopa aghitakko lakki 12:1-13:18
Emkidhdhe qawni qawni 14:1-15:8
Mahxaththossi quktatte thaxxan miira Haallikkito na qahgi 16:1-21
Patitte Papilooneppa putadhe aghitakkitopa the hxumampakko aayya pana the Seetʼanay 17:1-20:10
Qhaqhitte dhikkatatte 20:11-15
Montho qhawthittopa piyye qhawthitte, Iyyerusaleme qhawthitessi 21:1-22:5
Dhikkatte 22:6-21