Erkko Yihutay
1
Ano kodhampakko Iyyesus Kristooseppa qaso Yaykʼoope Yihudha.
Hune hessi Haallikko Appattay cʼikathamteppa Iyyesus Kristoosettay ooqamankuppa tiqthamonku kaasannu,
2 hxurakkopa nakayho pana cʼikno ihhune naqa.
Kollisampawhe Aayyay
3 Koro haayyu,
qhoota dhinkossi haanipa haahundhi kodhdhe kaaʼitha hune tooxenu uuma woʼi ahxay.
Hantu kapay dhukkaysadhessi Haallikko toʼonni male waarsho huusunu teexittay qhama kookkisanteppa ohxmamankunnu hune tooxe kitte iyye kodhdhiti.
4 Kollisampawhe aayyaya he perre kishana qharraʼitha qhamu naqhaqhamintisa aqhoota huusundhi tooxikki looxxattay hune kitta yakami.
Usundhissa heye Haallikko ghaapeppa he teexakko Haallikkitoosi palakunko ye dhikkatte sheeghisa oohapa hossi Uso pattay rafisampakkopa Pogholho haani kodhdhi Iyyesus Kristoosesi isi marmadha.
5 Hune he xayna qharaʼitha olissa kaasassi ara akkodhitekkakki payni,
Pogholho qhamu mala waarsho huususi piyye Kiptʼattena lihasipa xaysa tupettay usundhisana kittatte heye dhukkaysadhonkiisi patisussa hunena thaayse awwoʼib.
6 Erkampattadhdhessi xayto ghulnitopa xaytu naqaake hela hxureesi kuyyaqkossi qhaqhitatte haxanu shappe perre ye hume sheeghettay thukanko uuma kumma kitta usundhe gheyyasoy.
7 Holuppa onke hasa lighattay kathama Setoomeppa Kamoora pana hena kaaʼitha qagha kaasay palakunko ye dhikkatte sheeghipa onke ye gheeqastittay ille qale rafenukki he likkaseppa teexonki.
Usundhissa koro haththe perre ye hume sheeghettay qootʼuyamnanu lighno ikkodhdhe.
8 Onke hasa lighattay kollisampawhissa aayyay ulsinkeenketakki pishshko huusundhi loke;
he ghulno sheeghanukka isi ye eeʼe payeppa uumatha moonthito qagha kaanaste sheeghasikka isi dhaghghisac.
9 Erkampattessi Mikaʼeele ana payi rafisampatte erkampattadheete kodhdhiti kakki xinkessi pukkaqqo Muuse akkenu Seetʼana qale thamakatamtina “Pogholho ho qheera.”
Ki napayti dhiisho ye dhaghisuy.
10 Koru kapay olhu ye arettakki dhaghghisami,
aaghe ye kʼalpe sheeghe kulakki thaythe inni arana panned.
11 Qhooti maghno Kʼaeelettae ashsheppa qhamo Palaʼaamefpirradhdhenu yuuyuʼetta ranonkippa qhamo Kʼooreg paqhtottay patonki maallay ihhe ooyadhe.
12 Usundhissa heye palame,
he yiʼossi athoʼokunkottay illa holipa isa yiʼasa olo ooqhunna okayapa isi yiʼa,
holuppa he pukaqe thuusundhi patta yiʼasha.
He urrahththe irrawo yena qaghghi kula uruure susughurti,
he karkossi xeere ghimakkitona awusho yena qaghipa xisseete kalla roppamuppa lakkittay faru kula ligha.
13 Usundhissa he qhamo pasossi uuma kakanthulama kula rompo kodhmo huusundhi maghana hela thuffa.
He xuskkessi moonthito tuurasapa isi tukkanko uuma kumma perre ye hume sheeghenna usundhe tiqadhi kula ligha.
14 Henookkessih Attamenu paayyatti dhalatha thaxxantossa dhihama qhoota huusundhi hasi payipa hxuuma qalladhu:
“Pogholho kʼulkʼullawhe ye dhihakko sheeghe illakki okayni.
15 Hussakka koro kaasasa qhaqhitte qhaqhenuppa paqhtolawhe kaasasa onke maghattay maghno paqhto ikkodhenuppa qalithe maghay immaghnottay Uso dhaghghisennu maghnussa huusundhiisi liqqakooma na lihasenuy.i”
16 Usundhissa he kuyyaqkooma qhurumrumapa he koro pileesi kakasasa,
he dhihadhe thuusundhi maghattay qaaka,
he pakrko huusundhinu koro pileesi paseesa.
17 Naqharray koro haayyu,
hune olhossi erkampawhe Pogholho haani Iyyesus Kristoose inthooseppa qallonkiisi hela thaaya,
18 usundhe hasi payeppa hune qallonki:
“Perre dhikkattatena he koro dhafapa he dhihadhe maghattay qaakakki okayna.j”
19 Usundhissa he koro kitta ille rerreehe okaasa,
he yokunte maghattay qaaka,
he Nasso Kʼulkʼullo yena kittatte qaghi.
20 Koro haayyu,
hune kapay dhukkaysadhe thaahundhi kaasanna kuttay kʼulkʼullawtitaay kokkisadha.
Humna Nasso Kʼulkʼullitottay ghissadha.
21 Ahxhxurakko Pogholho haani Iyyesus Kristoose karo qagho perre ye hume sheeghe kula hune dhaghghaposnaasi tiqthadhankunna cʼikkno Haallikkitottay qaakindhak.
22 Koro dhihadhe lakki sheeghanu horxa;
23 tookke tookkesi hathatte kitatte simidhapa pehisankuy;
tookattekka lallesil thuusundhi sakanko lokmadhi kohxitiisi kakki ghappadhenu inna ghaapankunna hxurakko nu hxura.
Haallikko Kalataysadhe
24 Haallikkossi qhamu huni ranintennu hune tiqannapa meethe male hxasottay kaanaste Thuusu minte hune itʼtʼose alkasu,
25 hossi Uso patta dhinisampakko kodhdhinu Pogholho haani Iyyesus Kristoose kaakury perre kedhdhannuppa hantunnuppa haaka perre ye hume sheeghe saasa kaanastepa dhamuntepa humna pana ghulno innu kodhdha,
Amen.