Kodhmo Koro Dhukkaysadha Kodhe Gheeqasi
3
Koro kaasay rafisampawhepa he ghulno sheeghanu laaluntettay qhamu eeʼe paynipa kodhmo xeesa kaasasi kodhenu gharuppa
2 yaxamakka qhamu ye maghno qallanenu dhihaami.
Ladhdhi hussana kaanta heye koro qale paxmadhe,
heye tamakkathame,
he laalunte dhukatteesi koro kaasannu hiʼaasapa he koro kaanasa ikkodhdhe.
3 Xaayna qhareʼitha ine qeeppe,
he ini eeʼe payni,
he tatakamni,
he woʼokopa olho qawni qawni ine gharinu ayladhdhe kodhdhine,
he maghnopa tʼuuhxarinkottay qaakapa isani ille pappaaxanipa isan ille shishkaani.
4 Naqharray xinkessi horhxuntepa cʼikno Dhinisampakko haani Haallikkito xinpadhina,
5 qhoota kodhmo pare qaghunkito konni mallay qandhimma,
hxuurakko Huusutakki ine dhinisi.
Hu ine dhinisikka shoxattessi laanka dhaladhattepa qhawthumessi Nasso Kʼulkʼullo kaakkoruy tayamtittay.
6 Nassusaasikka Dhinsampakko haani Iyyesus Kristoose kakkuru Haallikko purasuppa ine elisu,
7 hussakka teexakko Haallikkitottay qhama he pare qagha kodhdhinanippa qaghossi perre ye hume sheeghenna an kippotay tiqthaniisi tayadhaaninnu.
8 Thorrissa he dhukkaysathame.
Koro Haallikko dhukkayisadha ho kodhmo xeesa kodhenu kokkisadha qhamu kodhdhininnu oliisa qhama uuma kokisintipa nu qallanukki an woʼi,
oli ho uuma gharapa ho koro kaasasi pakira.
9 Naqharray thamakadhdhe qeeppetepa dhihakko dhalathappa paqhtopa parpe hikke maallay haqanna sikapuy,
olho hasa ligha hoye pakirkko sheeghi ho laththuyye.
10 Qhawho ille reerrehe okaasaasi dhiham,
lankanakka qheer,
xaysa tupettay nakalla sikaapuy.
11 Qhawho haasa ligha xonghololhopa cʼuppolakko,
ho pukaqte thuususa qhaqhitte qhaqhi qhamu kodhdhisa upadh.
Dhihamte Dhikkatatte
12 Artʼimaaseesi taakki Tikʼikʼooseesi ho kula eraknittay atho xaytossi ano qaghi karo piyye Nikʼopiliyoone kula okayenu kokkisadh,
ano kathankoosi haama likasenukki an puqusadhiye.
13 Hossi hike ara Senasepa Apiloose qhamu ashshinennu erak,
olho usundhe gheeqasa kaasatakka usundhe kʼarkʼaray.
14 He dhaliththo haani kodhdhe olho kuyaqkito usundhe gheeqasasi qhamu ye dhapneppa awsho male haqhonkinnu kodhmo xeesanu kokisadheesi ikkolladhe.
15 He ye qale qagha kaasay nakaye ihhunena paye.
He dhukkayisadha dhaliththo haanina nakayho naye paya.
Teexakko Haallikkito ihhune kaasa qale kodhdha.