4) Bu telinabu

Yi gmami n de ye ki pia bi bado.

Bi ya ña o pia longa yo ki poa ki yugidi jana.

O jua mo n den ye likani ki pia o kuanu ki buli o tina ; gmami n cua le a tina yeni

Kigbali mibidi kelima o gmamo je buadima n tie a tina ; ban habi a tina yeni , li ji den tie yeni daali kuli.

Hali ke o kuadaano den bongini ki ba cuoba , ki gudiba le mo naani ;bi ya cie lipo bi yen do bu tibu yo ki le o ya ye likani bi yaa ban gedi budi.

O yen kali yene hali u ñinñulu n cuo wan fi kuni.

O ya fi kuni yeni ban mo nagini ki suani bi tuonli.

Lani yo wan jagi dayenli ki bobi ti jatiari kpanli napo wan ban pundi o kuanu kani wan pagi yadi ti tiadi yeni ki bili o kpanli ki nagini o ba ki duani, nani o kpe yeni.

Ban ban nagini ki la ke o dua ban yedi bi lieba dinli o jua nne n dua mama nne o de fo ka .

Lani ban kuli li kani bi bado n poadi ki sedi ki baangi o yama nni yua n ye ne ki kpe .

Yaba n sieni n kua ya budi wan wani n yie ki ya se bugi o longa ki ya yini o yaani.

Wan pua ki go yini yeni waa suligi ki goa puoli po ; o kuadaano mo n ya ba dua nani o kpe yeni hali ban lindi gano.

Lani yo wan yogi li kpanli ki kpa bikuli.

O ninfandano wani bebe den cia .

I tundi lan tie yali ya nini kuli han soangi a yama ki kpagi bonhanla ki nan yuandi jagi.