O luomo o moanua o gmamo o poando leni ki wonga n den ye.

Lanwani bi taani ki ta u sanu yuakuli n wani o tuomi.

Ban cuoni bi cua sua ke pociamo baani n ko ban yedi bilieba ke o ba kuli n da waani bi tuomi o pociamo yeni .

bi kuli n fuondi o pociamo ki ban gbeni wan tuo bi po.

Jaa ban kaa wani o paciamo bi danba tuoni yeni li koani ki wonga ban ban ba ban bili bi tiadi nani kani li wonli n lindi o lieba puoli ki cua buali o pociamo.

Yaba n mibidi yeni a bani baa,, wan ye a yo mii bani ba wan ta bi kuli yela leni bi tuomi ki ban gbeni.

Wani leni o lieba n ban goani a ki fuondi o paciamo wan ga ki ta yuakuli danbi tuomi.

O luomo wan yedi ki baan tidi ; moanua wan ye ti goangoansabidi ; gmamo wan yedi tancagiyibalimo ; kunkuli li jinlinsanli ; poando wan yedi hakpadobili; wani jakpeliga wan yedi bannaanici hanbo.

Ban ye jo gme n waani o pociamo nne ti danba donda; lan tie yuakuli ti ya pundi li ñinbuli kani ti ba bandi li dano n tie yua.

Ban ban pundi li ñinbuli kani ban cedi luomo n kpa gedi ki yiini dondi bi kuli ki yugi kandi o ya puoli moanua, moanua puoli gmamo , o ya puoli kunkuli ƙunkuli ya puoli poando li ban juodi jakpeliga wan dondi gbeni ki yugi gbali ba u fuanu nni o lieba n yedi yi la bii ki sani ke bi ba hoadi o wan mia u kpenu yeni nni ki ban kadini ñabo leni o bila ki yedi ke ñabo n ta o wan tua o biyualo o ñabo n ta o ki teni wan gudi o po o bila.

O den ye yeni kali o ñabo ya gedi a goada wan ta bi yenga ki kodi gmani hali ki ban gma gbeni bi kuli ki han yula bebe li bi yukuoli dali n pundi wan yedi jakpeliga ta a bila nne tin kuoba wan kua ta a kpacala ki fini kigani bi yula ki gnani ban kuo a yula yeni kelima lani fini yeni oba kuli na fidi bandi.

Ban ban kuo gbeni ke bi biyukuoba kuni jakpeliga n sani ɲ̌abo wani kua yo ki sua ke bila na go ye ke jakpeliga mo teli o kani.

Wan sani ki banle luomo ki yedi o yi soani ya tuonli n yeni yo yi den teni nni jakpeliga wan gnani n bila yo.

Lani luomo n yedi o ke ñabo sanu nne o kan bia ba ke bi ba cuo li gninbuli kani wan ye a yo.

Lani yo jakpeliga n gaani ki ban le ki fuayanga ke o bili ki kpe bedi wan pundi li gbanli ki mani o ba po.

Ki cua li ñinbuli kani ko ba ño ; ñabo n yedi na kanbi ka wan yedi o min dagoli yeni aa mua n nihima ke ti solindi hoadi nni hali mi gmani a bila a laa ngbanu n tie mama.

gnabo mo n gna yo wan pendi ki pundi luomo kani : luomo n bualo be n tieni wan yedi ke solindi wan yedi gedi ki da puoni a yianu.

Lani n teni ke a kan le jakpewona ke bi yegi goli kelima yi janbi po.

I tundi yua kuli n jie o kundikundi nilo.