2) Bu telinliebu.

Kunkuli leni kulijagmargu n den ye.

Dayenli kunkuli n yedi kulijagmargu n bua han ciani pianbabado denpo min ban piani n coda.

Wan yedi too la pia tagili kulijagmargu didi sua ke kunkuli tie taaceli yo wan jagi ke oba gedi ki han o kunkuli n yedi o wan cedi saala li ya fa ban yegi ki gedi wan yie kunkuli mo n yedi o ke la pia tagili ki mo n ban duotani o kunkulilieba ban caligi u sanu hali ki ban pundi pianmoabado deni kulijagmaro n ta usanu osua ke i kani kuli kunkula n caligi.

Kulijagmaro wani pundi yo ki sua ke kunkuli ka ki piandi o coda wan da go bigi ki bua bandi kunkuli ya ye likani bi o ye wan cili i yani kunkuli n bantuo opo hali pianbabado deni wan didi go yugi ki ban jagini bu cancantibu po ki yini kunkuli n ban tuo hali deni.

O pali n be wan waani ke o kan go piani.

Lani n kunkuli n pia a coda ya mo n yugi tabi o puoli lan kpandi tua bon fangu la coda n ye kulijagmargu po hali dinle.

I tundi yi ya pia kundi kundi tielo yi dogu nni kali yua kuli nfaami o bonhanla o na hani.