
5) A telinbunda ; devinette.
N piidi n nungbangu ki gnuni gnoagiyonbuama.
Li bundi : a ba piani ku jaagu yo ki buli.
N den tuogi nni mi yema n gma yua ke o cuona o gbani nni kuli jiinhme.
Li bundi :ki longa.
Canbitundiga pa gana yia.
Libundi :ku ciagu.
Sanmamaliga loni saana lie.
Li bundi : puojafaano leni a bisiera.
Bi juori mali biga sankunu.
Li bundi : li padi buoli.
N doni li juali ki gbadi bantuagu moe.
Li bundi :ku korigu.
A taba taba a nan kan kua.
Li bundi: u ganguondoe.
Koawagnungnunga se bonjali ki mua bi ledini.
Li bundi : pua ya bua gna o kan luo ke o gumba.
denbidenbi konsian: yiensiiga soangu kan poadi kpajiega.
kajemoanga laabi i konpieni nni.
li bundi : bu lanbu.
ciricirikpainkpain ciricirikpainkpain.
li bundi: bu gnoabu ciri fantama ki dani lanbu.
kulikuli gma kpankpagiri ki muni tatuaro biga ki duori ka boanduoli hmaa yanda.
li bundi:taliga kan gmani guoli ki muni bado o nuntuali.
kperi kin ja kperi kin ja dingi dingi.
li bundi nindugijapaadi kan dugi penpeli po kali ñimi nni.
N ba kpatali sia ha o nu.
Li bundi: li kunandieli ku moagu ya sia li yen sieni li kunandieli wan.
N jagi daduringu ki baanga.
Li bundi: a ya bua a kpelo pua yan baanga bi ki tieni li fangili.
Jajali den soani wan jajali wan ban ga kitanbitundiga ki cuani ke o bua goando ba piama.
Li bundi : Mi ñinpama cua sua mi ñinkpelima ki deli ñanma.