Te Yob lerege yeti, Behɛ hom soŋɛ taroma se'em
26
1 Te Yob lerege yeti, 2 Behɛ hom soŋɛ taroma se'em, behɛ soŋorɛ se'ere te ho dekɛ bo nu'yeŋɔ daana. 3 Behɛ hom kan'an gerego se'em, bo en kan'aŋɔ soŋɔ zo'e zo'e se'em. 4 Ane n bo ho paŋa te ho tɔgɛ wa, ane potɛn'ɛrɛ te ho dekɛ tɔgɛ wa?5 Ke'endoma n boe teŋa ha, la ko'om poan woo gbi'ire mɛ. 6 Yɔɔ sɛla ka boe sogɛ Yenɛ nɛŋan, kum teŋa zen'an ka sogɛ Yenɛ nɛŋan. 7 Enŋa n yeregɛ zuɔ bɔba saŋgbanɛ wa pin' saazuo wa ge naam teŋa wa te ka yula yɔe wa. 8 Enŋa n bobe ko'om wa saŋgbanɛ poan, te bo kan ta'an tanhɛ saŋgbanɛ la bahɛ. 9 Enŋa n tan' pin'ira ŋmarega, ne bahɛ te saŋgbanɛ yeregɛ lili ka. 10 A boɔn la beene ko'kantɛ poan, te beene denɛ beŋe nɛɛhom, la lika. 11 Yenɛ han tanhɛ, zɛnya se'a n tare saazuo wa gbi'ira mɛ la dabeem.
12 Yenɛ paŋa n gu' ko'kantɛ wa, te a yam aanhom ko'kantɛ poan bonsɛla yu'urɛ n de Arahab la bahɛ. 13 Yenɛ pebele la a sabeeo, te ko duuhe saazuo wa, enŋa n ko ko'kantɛ poan bonsɛla la n ɛngere.a 14 Behɛ, yele ana wa pon dɛna la yele pegehe en bala. To wom la a waaheŋɔ en bala. Ge han dɛna a paŋa la en tanhere wo saa la, ane n wan ta'an ze'ele?