Yooma
Popeelomdaana
1
1 Popeelomdaana dela nɛra se'em n ka to'ohe nɛrebe'ero kan'aŋɔ bii ɛɛra la yelebe'erodoma sore zuo bii zin'an la nɛresɛba n kɛhere nɛreba la. 2 A nini tegɛ la Na'ayenɛ pa'alegɔ ge te a tɛnra pa'alegɔ la bolika la yu'uŋɔ. 3 Enŋa daana ane me wo tia n sɛ lɛm kole se'ehe ko'om la, wɔna wɔŋa saŋa woo, te ka vɔntɔ ka malom tare to suɛ. Sɛla woo te nɛre'ena daana eŋɛ, la ne eŋɛ la soŋa. 4 La ka ane potɔpa la bala, bama ane mɛ wo sɔgɔrɔ la, te sabeeo vaara ba fɔnbera yeregera zen'an woo. 5 Bala zuo la, potɔpa kan ta peɛn gankerɛ la poan bii yelebe'erodoma lagom bɔna nɛre tontɔɔdoma lagaŋɔ la poan. 6 Na'ayenɛ nu'o page nɛre tontɔɔdoma la n ete sɛla woo zuo mɛ, ge yelebe'erodoma n ete sɛla woo la wan bahɛ yoo.