Te Bildad la lerege yeti, Paŋa la dabeem zan'an dela Yenɛ dene
25
1 Te Sua teŋa boraa Bildad la lerege yeti, 2 Paŋa la dabeem zan'an dela Yenɛ dene. A bahɛ te sunma'ahom bɔna saazuo mɛ. 3 A pɛɛntɛɛnreba la tare la kanlɛ yoi? Yenɛ nɛɛhom ka paɛ la bɛ? 4 Wana wa, nɛresaala wan eŋɛ la wane dɛna tontɔɔ Yenɛ nɛŋan? Nɛresaala bia wan eŋɛ la wane kan tara tuure a nɛŋan? 5 Ŋmarega nɛɛhom han dɛna yoo, te ŋmarebibihe nyanka dɛna lika, 6 nɛresaala n ton dɛna tentɔnɔ wa, hom asaala n de zunzunre wa dela bem?