18
8 Pebaracuaicuaijailiwaisianë nacatsimuxuxanepana picani, pacuenia wajajanijitsipaepexaejawa wajaxaenexa. Itsiata, bajarapaliwaisianë wajamuxujitsipaecuijinae, ayaicuenia nacajamatabëcuenebijiana.9 Pajiwi ya-afaetabiaya nacuenebabiaba, penacuenebijawa cuenejëpa daxitacuene pebijianabiabiwi. Nexata, penacuenebijawa jiwi apotosiwajamatabëcuenebarëya tsabiabitsi.
13 Pajiwi namuxuna-ewetsinejewa xaniawaetsia natsiquejemacuenia jumecanawiata, bitso pia-uracuene exana.
14-16 […] 17 Pajiwi copiaya pijacuata nayapijiwicuaicuai xua yabara neconitatsi, wajajumetaejawata nacatsitaxaniajai. Itsiata, itsajiwi pecuenetaejiwitsi itsa wajunupaebatsi yapëtanetsi penajumetsënëtsicuene. 18-21 […]
22 Ponë caxitajaraba petiriwa pijawanexa, bitso pexaniajawa caxitajaraba itsajawawecua. Orijibia, natoyapëtane bitso pexaniacuene Jehová peto-exanaejawatsi.
23 Pajiwi bepejiobijiwi napënawajëcabiaba jiwijawabelia pebejiobiataenexatsi. Itsiata, bitso pexainaejiwi jumecanawiatatsi pia-ura-exanaejumeta.
24 Itsamonae wajayapëtaewi bepijiayo naca-itoya. Naca-exana pecueyawitsi. Itsamonae wajayapëtaewi pijinia, matatoxenetsia naca-asiwa pepowajamonaejiwiwecua.