19
1-3 […] 4 Pajiwi bitso pexainaejiwi, itaxutuapatabiabatsi ayaibitsaëto peyapëtaewinexatsi. Pajiwi pijinia bepejiobijiwi, peyapëtaejiwitsi wecuaponabiabatsi. 5-10 […]11 Pajiwi xaniawaetsia naliwaisi-eweta, pejamatabë-itonotsijawatatsi najamatabëcuenecataitabiaba, bepijiayo pianaepanaeyaniwa. Bajarapajiwi yaiyatanetsi, tsipaji nawecuajamatejema tsabiabi, itsajiwi to-exanae-atatsi apopejitsipaecuene. 12 […]
13 Papejewaxinë apojumecowënëtabiabi, paxa siwajamatabëcuenecueronabiabatsi. Powa pijinia pamona barënabijataeyabiaba, bitso jamatabë-itonotabiaba. Cuenejëpa boyenepanata petopitopijaijawa ema matacabi.
14 Paxa, penabeje, pewënamuto, pexi canacopatabiaba pijabomi, pecobecowëmi-ata. Itsiata, ponë xaina pijawa, xaniawaetsia penaliwaisi-ewetsiwa, bajarapowa xaina Jehová perajutsixaetsi.
15 Piafaetabijiwi bitso ayaicuenia majitabiabaruruca. Nexata, pijani-ata, ponaponabiabiana xaenejewa.
16 Pajiwi jumecowënëtsiaponapona Jehová pitorobiliwaisianë, bajarapajiwi na-eweta petëpaewecua pijaneconijamatabëcuene. Pajiwi pijinia bijiaya tane bajarapaliwaisi, nexata tëpaena bepijiayo.
17 Pajiwi palata tsicopata bepejiobijiwijawabelia, bajaraxua Jehová tane bepetsicopatsijawatsi. Nexata, Jehová bajarapajiwi juya yawenonaenatsi, bepejiobijiwijawabelia pexaniacuene peto-exanaejamatabëcuene.
18 Naneconitsia-exanaenaeme nexijiwi paepatota abaxë cacuenecaëjëpa necuenexanetsinexa. Itsiata, pëtsa anaeya nacoxiconitame nebeyaxuabijawabelia.
19 Pajiwi jamatabëcuene-amoneyababiabatsi pianaejamatabëcuene, belia bajarapajiwi tsinawiatsianatsi bajarapajamatabëcuene. Bajarapitsiwi, asiwaya muxujiobi-atatsi, matatoxenetsia anaepanabiaba.
20 Namuxuna-ewetabiabianame pecamuxujiobijawa. Tonacopatsianame itsajiwi pecacuenexanetsijawa. Bajarapacuenia itsa exanaename, naexanaename canaëjëtsiaya neyapëtaenë nenaweretsinëjawabelia. 21-22 […]