17
3 Pesetsijawata oronanijawanë, palatananijawanë-ata, jiwi cuenecaëjëpatsi peyapëtaenexa itsa yajawapona piabejejawa. Itsiata baitsi jane, caenë Jehová cuenecaëjëpatsi jiwi pejamatabëcuene-ëjëtsijawa, peyapëtaenexa itsa yajawaponapona pibisiajamatabecuene.9 Pajiwi siwajamatabëcuenecaewa itsacueniabi-atatsi pewënajiwi, bajarapajiwi najamatabëcuene-itajëta pejitsipaejawa tsitecaeya piasiwajawa pitsacueniabinëtsi. Pajiwi pijinia pitsacueniabijiwitsi aposiwajamatabëcuenecaewi, biji saya nawajunupaebabiaba bajarapaliwaisi yabara, bajarapajiwi pecueyajiwi nato-exana peyapëtaejiwitsi.
12 Ponë liwaisi apopenatsiwajënaecanaëjëtsinë bitso ayai. Matatoxenetsia nacatoxanepana wajacaxitajarabijawa unupijinë, bitso pianaepanaenë, wajacaxitajarabijawawecua ponë apopecanaëjëtsinë liwaisi, pejamatabëcuene-enaenëtsi natsiquejemajawanë pexanaenexa.
13 Pajiwi cuenecanawiata pibisiacuenia, pexaniacuene pexanaejiwitsijawabelia, pibisialiwaisi apoto-ajibitsi tsane pijabopijiwituatuajëta.
15 Anijacuenebeje jiwi pexanaejawa Jehová bitso acuenetaejitsibi. Mapacuenebejeje: Jiwi peyapijiwicuaicuaijaijawa pijaneconi pexainaejiwi, bepianeconijibijiwi petaenexatsi, penaneconitsia-exanaeyaniwatsi. Jiwi peneconitsijawa pianeconijibijiwi, bepijaneconi pexainaejiwicuenia petaenexatsi, penaneconitsia-exanaenexatsi.
C17 […]