16
Jiwi picani pijacuata natocanaëjëtabiaba xua exanaejitsia. Itsiata baitsi jane, Jehová bajaraxua xaniawaetsia capitsipabiaba pejitsipaecuenia.2 Caejiwi canacujitsia natocanaëjëtabiaba pexanaecuene yabara petsitaxanepanaecueniatsi. Itsiata baitsi jane, Jehová xaniawaetsia jiwi pejamatabëcuenecanaëjëtsinëxae yapëtane pacuenia jamatabëcuene-itsi.
3 ¡Tocopare Jehovájawabelia daxita nexanaejawanë pecayawenonaenexa! Nexata, xua siwanajamatabëcueneweretame nexanaenexa, xaniawaetsia catopitsapaena.
4 Jehová nato-exana daxitacuene, pecanacuenebinexa pejitsipaecuenia. Bajarapijinia pacuenia, Jehová tocaëjëta penaneconitsia-exanaenexa piajamatabëcuenebejejiwi pamatacabi naneconitsia-exanaena daxita pijaneconi pexainaewi.
5 Jehová ataejitsibi pamonae natane ayaijamatabëcuenewia itsamonaewecua. Nexata, bajarapitsiwi pepacuene naneconitsia-exanaena bepijiayocuenia, itsa jume, bexëajawabelia-ata. 6 […]
7 Jehová itsa siwajamatabëcuenebarëya jiwi pexanawanapaecuene yabara, nexata pitoyawimitsi aliwaisijibia barëponaponaenanua.
8 Matatoxenetsia namatamota jiwi pexainaejawa bewelia pecobecowë pexaniacuenia penacuenebijawata, ayaijawa pexainaejawawecua, xuanë pitabiaba pibisiacuene pexanaejawata.
9 Jiwi canaëjëtsi-ata pejamatabë-ëthëtota pacuenia exanaponaejitsia, itsiata Jehová matacaponatsi petocaëjëtsicueniatsi pexanaponaenexa. 10-28 […]
29 Pajiwi pibisiajamatabëcuene xaina, yamaxë-itojorobabiaba peyapëtaewitsijawabelia. Matacaponabiabanua pibisiacuene pebarë-exanaenexa, pexaniacuene pexanaejawaminexawecua. 30 Paepatota naitatsaquetanuca, najamatabëxainabiaba pibisiacuene pexanaejawa. Upijëajëajai-ata itajara, itsiata bëpënëa siwanajamatabëxainabiaba peyapëtaewitsijawabelia pibisiacuene peto-exanaenexa.
31 Perujunëcuene itsa nacatsipatajopa, matana̱niojaitsi. Bajaraxua bewajanacamataxatatsi coronajawata, jiwi wajanacayaiyataenexa. Wajamatana̱niojaijawa bewajacorona, pexaniacuene waja-exanabiabijamatabëcuene wajaponaponae-epato mapanacuataje.
32 Matatoxenetsia namatamota jiwi penacuenecataitsijawa, pitatsacajamatabëcuene pexainaejawawecua. Matatoxenetsia namatamota jiwi pijacuata penajamatabëcuene-ewetsijawa, pecuene-amoneyabijawawecua itsatomarapijiwi, pebarënawajabitsaëtsijawata.
33 Jiwi canamuxusitabiabi-ata dadojawaxi,b peyapëtaenexa pexanaecuenejawanënexa, itsiata baitsi jane, Jehová daxita bajarapacuene pejitsipaecuenia capitsapabiaba.
C17 […]