15
Pajiwi jumecanawiata asiwaya pebara-anaepanaejiwitsijawabelia, anaecaewia-exanaena pianaepanaejawami. Itsiata, anaeya itsa jumecanawiatsipa pebara-anaepanaejiwitsijawabelia, pewajënaeyabelia bitso anaepanaeya-exanaejitsipa.2 Pajiwi liwaisi penatsiwajënaecanaëjëtsijiwi, pecuaicuaijaijawata pexaniajumenë capitsapabiaba pexaniacanaëjëtsiliwaisianë. Pajiwi pijinia liwaisi apopenatsiwajënaecanaëjëtsijiwi, pecuaicuaijaijawata jemajumenë capitsapabiaba natsiquejemaliwaisianë.
3 Jehová raja daxitajawa peponaponaenë. Nexata, taeponapona pamonae pexaniacuene pexanaewi, pamonae-ata pibisiacuene pexanaewi.
4 Pajiwi cuaicuaijai asiwayacuenia bepejamatabëjiobiwijawabelia, bajarapajiwi jamatabëcueneyawenona piajamatabëcuenesaënexa pejumetaewitsi. Juya pajiwi pibisiacuenia baracuaicuaijai tsabiabi jiwi, jamatabëcuenebijianabiaba itsamonae.
5 Pajiwi liwaisi apopenatsiwajënaecanaëjëtsijiwi amuxujitsibi tsabiabi xua pijamonaejiwibeje muxujiobatsi, pecuenexanetsinexatsi. Pajiwi pijinia liwaisi penatsiwajënaecanaëjëtsijiwi namuxuna-ewetabiaba pemuxujiobiliwaisitsi pijamonaejiwibeje.
6 Ponë pexaniacuene exanaponapona pijabota, ayaijawa bitso xainabiaba. Ponë pijinia pibisiacuene exanaponapona, ayaijawa xainae-ata, bajaraxuanë liwaisi tsi-exanabiabatsi.
7 Pamonae liwaisi penatsiwajënaecanaëjëtsiwi, peyapëtaejamatabëcueneliwaisi capitsapabiaba pecuaicuaijaijawata itsamonaejawabelia. Pamonae pijinia liwaisi apopenatsiwajënaecanaëjëtsiwi, caeto-ata aponajamatabëxainae peyapëtaejamatabëcuene pexainaenexa.
8 Jehová bitso cuene-ataejitsibi pamonae pibisiajamatabëcueneyajawa, tajuita dajubinë altar-jumata najamatabëcuenepënëyorotsinejewa pijapibisiajamatabëcuenewecua. Itsiata, juya pamonae pexaniajamatabëcuenewi, Jehová siwajamatabëcuenebarëya xua wajëtatsi.
9 Jehová bitso cuene-itoya pejamatabëcuenematacaponaewitsi pibisiacuene pexanabiabinexa. Itsiata, asiwaya naëcotabiaba pejamatabëcuenematacaponaewitsi pexaniacuene pexanabiabinexa.
10-16 […] 17 Xanepana bitso wajanaxaejawa papexaejawa beweliacuenejawa, pabojawata namata-enetsia jiwi na-asiwa tsawanapae, wajanaxaejawawecua papexaejawa bitso pexaniapexaejawa, pabojawata jiwi namata-enetsia na-itoya tsawanapae.
18 Pajiwi jamatabëcuene-anaepanaponapona, bajarapajiwi matapitabiaba jiwi pebarënajume-anaenotsijawa. Pajiwi pijinia pejamatabëcuenexanepanaejiwi, jamatabëcuene-anaecaewia-exanabiaba penajume-anaenotsiwi.
19 Pacuenia to-ayapëbejetsi taxusa penucaponaenë itsajota nawita pe-ejuwijawanë, bajarapacuenia piafaetabiwi tonawitatsi penayacaranatsiliwaisianë penacuenebiyaniwa. Itsiata, pacuenia jiwi xaniawaetsia pona pexanepanaenamutojawa, bajarapijinia itsi pexaniajamatabëcuene pexainaewi. Tsiyapëxanepanabiabatsi pexanaenexa pexaniacuene.
20 Papexi natsiwajënaecanëjëtsiaya jinawanapa, jamatabëcuenebarëyaya-exanabiaba paxajiwi. Itsiata, papexi bijiaya naliwaisi-eweta, apotaeyabiabi piasiwacuenia pena.
21 Pajiwi bijiaya naliwaisi-eweta nasiwajamatabëcuenebarëya tsabiabi nacuenecanaëjëtsinejewa pexanaecuene yabara. Pajiwi pijinia xaniwaetsia natsiwajënaecanaëjëta, nacuenexanetapona Dioso pejitsipaecuenia peponaponaenexa.
22 Pajiwi exanaejitsia itsacuenejawa, copiata itsa yanijobiana pexanaewajënaeya peyapëtaewijawabelia, xaniawaetsia topitsapaenatsi pexanaejawa, tsipaji yapëtaenejewa itsa exanaejitsipa, bijiaya topitsapaejitsipatsi. 23-27 […]
28 Pajiwi pexaniacuene exanabiaba, copiata canaëjëtabiaba pacuenia jumecanawiatsijitsia itsajiwijawabelia. Itsiata baitsi jane, pajiwi piajamatabëcuenebejewi, itaxutejema pibisiacuenia cuaicuaijai tsabiabi itsajiwijawabelia.
29 Jehová tajë wecuanatsatsiaponapona pamonae pibisiacuene pexanawanapaewi. Juya, namuxuna-ewetabiaba pewajëtsijawatsi pamonae pexaniacuene pexanawanapaewi.
30 Itsamonae itsa naca-itaxutuabarëya wajanacataejawata, nexata nacajamatabëcuenebarëyaya-exana. Pexanialiwaisi wajawënëtaejawata pijinia, nacajamatabëcuene-asaëya-exana.
31 Pajiwi namuxuna-ewetabiaba xua itsamonae muxujiobatsi pecuenexanetsinexatsi, bajarapajiwi naexanaena xaniawaetsia pecanaëjëtsijiwi.
32 Pajiwi pijinia amuxujitsibi pemuxujiobijawatsi pecuenexanetsinexatsi, bajarapajiwi pepacuene apona-asiwa. Itsiata, pajiwi xaniawaetsia namuxuna-ewetabiaba pecuenexanetsijawatatsi, pewajënaeyabelia naexanaponaena peyapëtaejiwi.
33 Wajayaiyataejawa Jehová nacajamatabëcuenecujaruba, wajanaexanaenexa xaniawaetsia wajacanaëjëtsiwi. Itsamonae wajanacayaiyataenexa, bejinawanapatsi copiaya beweliajamatabëcuene nataeya.