14
Powa pexaniacuenia pecanaëjëtsiwa, pijabopijiwiliwaisi asaëya-exanabiaba, najamatabëcuenejëpaeya penajuajinawanapaenexa. Powa pijinia apopecanaëjëtsiwa, pijabopijiwiliwaisi bijianabiaba, nexata bijiaya jinawanapabiaba. 2-13 […]14 Pajiwi bijiaya pecanaëjëtsiwi nasiwajamatabëcuenebarëya tsabiabi daxita pexanaponaponaecuene yabara, Dioso apopejitsipaecuene exanae-ata. Pajiwi pijinia pexaniacuene pexanabiabiwi, pexaniacuene natocopiapatsiana, pexanabiabijamatabëcuene pexaniacuene.
15 Pajiwi bijiaya penaliwaisi-ewetsiwi, canaëjëtsinejewa jumexaniataeyabiaba daxita paliwaisi tsipaebatsi. Pajiwi pijinia xaniawaetsia penaliwaisi-ewetsiwi, copiaya canaëjëta pexanaewajënaeya, peyapëtaenexa itsa pexaniacuene, itsa jume, apopexanepanaecuene. 16-20 [...]
21 Pajiwi bijiaya tane itsamonae, naneconita Diosojawabelia. Itsiata, jamatabëcuenebarëya tsaponaponae tsane pajiwi itaxutotsoniatane bepejiobiwi. 22 […]
23 Pajiwi nacueneba, xainabiaba pexainaejawa, pexaejawa-ata. Itsiata, pajiwi saya ëpejumeta cuaicuaijai tsabiabi penacuenebijawanexa yabara, apoxainabiabi pexainaejawa, pexaejawa-ata. 24-25 […]
26 Pajiwi yaiyatane Jehová, itaxutuajamatejema peyawenonabiabinexatsi, pewetsinexatsinua piayaicuenewecua. Nexata, bajarapajiwi pexi-ata pijinia jamatabëcuene-ewetawanapaena Jehová bajarapacuenia peto-exanaenexatsi.
27 Pajiwi yaiyatane Jehová, bajayajebi asaë tsaponaponae tsane bajarapayaiyataejamatabëcueneta, tsipaji bajarapajiwi baja wecuapanepa xuanë picani pejamatabëcueneta tëpaejitsia penaneconitsixae. 28-29 […]
30 Pajiwi pexanepanaejamatabëcuene xaina, perabëjumali xanepanabiaba. Itsiata, pajiwi jamatabëcuene-enabiabatsi ëpecueneca-ëbijawa, bitso ya-awitane tsabiabi bajarapajamatabëcuene.
31 Pajiwi nacueratsia-exana bepejiobijiwi, bajarapajiwi apoyaiyatae Dioso, pexanaenëtsi. Itsiata, pajiwi yaiyatane Dioso, itaxutotsoniataeyabiaba penamatawenonaejiwi.
32 Ponë piabejecuene peto-exanabiabinë itsamonaejawabelia, juya pijapibisiacuenejamatabëcuene matacënënaenatsi. Itsiata, pexaniajamatabëcuene pexainaejiwi, tocopiapatsi-atatsi petëpaejawanexa itaxutuajamatejema Dioso peyawenonaenënexatsi.