13
1-3 […] 4 Pajiwi afaetabi, itajitsipae-ata daxitacuene, itsiata apoxainae tsane itsacuenejawayo-ata. Pajiwi pijinia xaniawaetsia nacuenebabiaba, xainabiaba xua namatawenona. 5-17 […]18 Pajiwi amuxujitsibi pecuenexanetsijawatsi pexanaecuene yabara, ponaponaena bepejiobicueneta, apopeyaiyataejiwitsicuenia-ata. Pajiwi pijinia namuxuna-ewetsiana pecuenexanetsijawatsi, wënëxaniatsianatsi pexaniacuene pexanaejawa yabara.
19 Pajiwi pejitsipaejawami caxitajaraba, jamatabëcuenebarëya tsabiabi. Itsiata, pajiwi piajamatabëcuenebejewi aponawecua-ataejitsibi pecopatsijawa pibisiacuene pexanaejawa.
20 Pajiwi yajawaponapona xaniawaetsia pecanaëjëtsiwi, bajarapajiwi-ata naexanaena xaniawaetsia pecanaëjëtsijiwi. Itsiata, pajiwi yajawaponapona piajamatabëcuenebejewi, nabejiobitsiaya ponaponaena.
21 Pajiwi pibisiacuene exanabiaba, pibisialiwaisi yapënapatabiabianatsi. Itsiata, pajiwi pexaniajamatabëcuenejiwi, bajarapajiwi tocopiapatabiabianatsi pexaniacuenejawa pematamotsicueniatsi.
22 Pexaniajamatabëcuenenë, xua xaina pecobecowëjawanë, yacaëjëpaena pewënamuto penatsicobetsanaenexa pexijawabelia, pemomoxijawabelia-ata. Papecobecowëjawanë piajamatabëcuenebejewi natoxaniawaetapona, bajaraxuanë Dioso juya rajutsiana pexaniajamatabëcuenewijawabelia, pecanacopatsinexa.
23 Bepejiobiwi cuenecaëjëpatsi ayaijawa pexaejawa pecapitsapaenexa, pexaniacuenia itsa nacuenebawanapa pijapabianë. Itsiata, itsa jinawanapa piajamatabëcuenebejewi bajarapanacuata, cuenecaëjëpatsi bajaraxuanë pewecua-ajibia-exanaenexatsi.
24 Pajiwi pexijiwi apoconitsi pecuenexanetsinexa, bajarapajiwi aponacoxi-asiwa. Pajiwi pijinia nacoxi-asiwa, pewajënaeya cuenexaneta, pibisiacuene pexanaeyaniwa.
25 Pajiwi pexaniajamatabëcuenewi, xaniawaetsia xaeyabiaba pexaejawa, pepenejawabelia. Itsiata, pajiwi piajamatabëcuenebejewi, tsiteca piajanijiwi nacopatabiaba.