Papexaniacuenejawanë jiwi taewanapaena yapëtaeya pecanaëjëtsicuene pejamatabëcueneta
2
Xamë, pewëjëatomë, nenamuxuna-ewere xua cajumaitsitsi. Asiwaya najamatabënapitabiabianamenua daxita paliwaisianë catonajumecopatatsi, neyapëtaenexa xaniawaetsia Jehová neyaiyataecuene.2 Namuxuna-ewetabiabianamenua peyapëtaewi pecanaëjëtsiliwaisianë pecatsipaebijawa. Caeliwaisi xainare bajarapaliwaisi, neyapëtaenexa pexaniacuenia nexanabiabinexa.
3 Bitso nejitsipaecuenia wajëre liwaisi peyapëtaewijawabelia, pecayapëtaeya-exanaenexa. Nexata xainaename neyapëtaejamatabëcuene, nenatsiwajënaecanaëjëtsijamatabëcuenenua, neponaponaenexa yapëtaeya.
4 Ayaicuenia natojaire bajarapajamatabëcuenebeje pacuenia jaitsipame palatabaxuto, pacuenia-ata jaitsipame pematayabijawami, bitso penamatamotsijawanë.
5-6 Daxita bajarapacuenia itsa exanaponaponaename, nexata yapëtaenajetarucaename baja xamë ayaicuenia neyaiyaitaejawa Jehová. Orijibia, pepacuene cueneyapëtaename nijaDioso, tsipaji raja Jehovájawawerena pitsapa wajacanaëjëtsijamatabëcuene, daxita wajayapëtaejamatabëcuene-ata.
7 BajaraPonë rajutabiaba pexaniacanaëjëtsijamatabëcuene, yacaranatabiabanua itsacuenewecua, pamonae pexaniacuene pexanaewijawabelia.