Pacujinae Moisés tëpa Nebotsutojumata
34
Pacujinae Israel-pijinë pemomoxi xaina pijataxunaebo Moab-tusatonacuata, bajarawerena Moisés pona pejunaenexa Nebotsutojumabetsia, patsuto nuca Pisgatsutonë imoxoyojawatalia, Jericó tomara rowialia penucaetsuto. Nexata, bajarapatsutojumawetsica Jehová tsitajëtatsi daxita panacuanë Israel-pijinë pemomoxi pijanacuanënexa. Tsitajëtatsi daxita Galaad nacua, Dan-pijinë pemomoxi pejinawanapaenacuajawanexa, 2 bajarapijinia pacuenia daxita Neftalípijinë pemomoxi pejinawanapaenacuajawanexa, Efraín-pijinë pemomoxi pejinawanapaenacuajawanexa, Manasés-pijinë pemomoxi pejinawanapaenacuajawanexa, daxita panacua Judápijinë pemomoxi pejinawanapaenacuajawanexa Mediterráneo manuamenejawabelia pebocae-ira. 3 Bajarapacuenia nacua tsitajëtatsi Neguev-tusatojawawerena, daxita Jordán menemuxubërëa pebobenae-iranë, pepatsinexa Jericó tomarajawabelia (itsajota nubena dátil-botonë), Zoar tomarajawabelia-ata. 4 Bajarajota, Jehová jumaitsi Moisés-jawabelia:—Marapanacuayabaraje najumecapanepaeya jumaitsinë Abraham, Isaac, Jacob-banajawabelia, tarajutsinexa pemomoxijawabelia. Mapatsutojumawereca catsitajëtatsi xaniawaetsia netaenexa pamatacabijawaberena-ata. Itsa xaina ciento veinte pawaibeje, itaxutotsëcënaenejewa abaxë, piacuene-itatsacanëjawata —jai Jehová. 5-7 […]
8 Nexata, itsa abaxë israelitawi jinawanapa Moab petsewitusatonacuata, bajarapamonae wënua Moisés petëpaejawa bejamatabëcujiru treinta pamatacabibeje, peweretsijawabelia pematanueyabimatacabianë pewënajamatabëxainaejawa pijacujirucuenia petëpaenë. 9 Bajaraxuacujinae, Moisés petëpaecujinae, Josué, Nun pexënato, Dioso Espíritu Santota jamatabëcuenecaëjëpaeya-exanatsi peyapëtaenëcuenia, tsipaji Moisés bajaraponë tsimatanacobebuatatsi pecanacopatsinexa pewetsijamatabëcuene. Nexata, israelitawi jumecowënëtabiaba Josué Moisés petëpaecujinae. Bajarapacuenia jumecowënëtawanapanua Jehová petonajumecopatsiliwaisitsi Moisés-pijinëta.
10 Moisés-cujinaerena, itsanë Diosojumepaebinë baja apocaxitajarabi Israel-pijinë pemomoxituatuajëta, pacuenia Moisés jamatabëcuene-itsi tsaponaponae,a pijacujaya pebarëcuaicuaijaitsabiabinënua Jehovájawabelia. Bajarapitsijamatabëcuenenë apocaxitajarabi. 11 Ajibinua itsanë pinijicuenejawanë petsita-exanaenë Jehová pejamatabëcuene, pacuenia bajaraponë tsita-exana Egipto nacua pewetsinëjawabelia, bajarapacuenia peyajawanacuenebiwi, daxita Egipto nacuapijiwijawabelia-ata. 12 Ajibi pecuenejëpaenëtsi pacuenia tsita-exana daxita Israel-pijinë pemomoxi bitso pinijicuenejawanë, bitso piayaicuenejawanë-ata, pacuenia exana Diosojumepaebinë Moisés-pijinë. Ajibi bajarapitsijamatabëcuene pexainaenë bajaraponëcujinaerena.