Máca 1

Furim fásuum mee fara Yéesu Kirista fan

Máca

asafer mee

Min Yéesu abaji mee

18 Yéesu Kirista maa nabaji. Jawool ammee Mari, amaañen acee han guroge mee Suseef apañool. Bala gucin tin tanur, Mari aahu naŋar far mꞌbakaaner bara Búyeget Baset mee. 19 Araaŋool Suseef nkaan mee amaañen átiliŋe, nan añowool mee mee, acamenut gámeeyul Mari. Najok bu gafanjoor nu ho an bámirut wan n'etuhoriil. 20 Nemma napinoore mee, amalayika hara Acehériit mee nápurulool nꞌsíyaut narogool : « Suseef, aleeh Dawid, jambil úsebi eŋar akoñai Mari, mara far fan aken mee bakaaner Búyeget Baset mee. 21 Ho be ebaj aleeh amaañen, nurogool Yéesu (yo yommee Acehériit mee nja apagen), mara ho abil mee gapagen buganool nꞌsíjunubeiil. 22 Dáaru peepe kaanikaan mimbil wan Atúuha alob mee mꞌbutum anabiyoŋ ukaan, nan arok mee :

23 « Ajúr hámirut amaañen be eŋar far.

Ho be ebaj aleeh amaañen ban ngurogool Emanuel. »

(Yo yommee : Atúuha umu n'alaal.)

24 Nan Suseef áliyo mee, nakaan wan amalayika aahu hara Acehériit mee alobool mee nꞌsíyaut saasu. Ñeer nayab akoñaool abaŋ nꞌyaŋool. 25 Bare anaput nu ho jaram akoñaool anogen aleeh amaañen. Suseef narok aleeh aahu Yéesu.