15
Mal másembi mee mara to Maara
22 Móyiis naŋar bugara Isirayeel ngúpur to nu fal faafu fabaj mee étuuhuur yanogoore nꞌesiisiit min gujow bu nꞌerampaasa yara Súur.
Gujojow wátiiŋe gunak gúfaajiir nꞌerampaasa yaayu bañowut mal.
23 Ngútiiŋ tan guroge mee Maara,
ngutook to mal.
Bare gújuhut gurem mal maamu mara músembisembi.
Yo ecil mee ngurok to Maara (yo yommee sémbisembi.)
24 Bugara Isirayeel nguloloboor guyah mꞌMóyiis ngurogool :
« Elí waa nubile marem ? »
25 Móyiis nahuoor Acehériit mee.
Acehériit mee naliigool fugol fucee,
naŋar fo abet dó nu mal maamu.
Mal maamu ñeer mmúsuum marem.
To naseniil mee guyuhoum son múkaaniinaay.
To may nakaan mee nañow teer gusoŋoosoŋ.
26 Acehériit mee narogool :
« Eéni jijam furimom,
njikaan wajajak fácilom,
njíkaanum guyuhoumom ban njibaŋ go nꞌúyegehuul,
ínje Acehériit mee ammee Atúuhauul mat ibehuul haani ganur nꞌúsomut wan ibet mee bugara Esípt,
mara ínje emmee Acehériit mee han nja ásontenuul mee njikolo. »
27 Ñeer bugara Isirayeel ngútiiŋ tan guroge mee Elim.
Babaj to ufuy woono guñen nꞌúruba son sipookeel sabuge mee tandarma soono gafaŋ gúfaajiir nꞌguñen (70).
Nguyihen to síguuhiil cik ufuy waawu.