24. Yéesu nápurul ulagenaool, nabaañ bu fatiya
24. Jésus est apparu à ses disciples et monte au ciel
Yéesu nápurul ulagenaool to Yérusaleem
36 36 Bugo dó nꞌelob yaayu,
Yéesu fannaool nápuruliil to nꞌetut.
Narogiil :
« Gásuumaay góoni mꞌbuguul ! »
37 37 Ngúkubo,
ngutelen máamak mara nꞌgapinooriil let an bo mee.
38 38 Bare Yéesu narogiil :
« Waa ucile njísebi reh mee ban úyegehuul nucehoor ?
39 39 Jiñeer guñenom nꞌgoohom :
ínje fannaom !
Jimamayenom min jiñow.
Hápur mee asaay dit abaj eniin nꞌuwuul ban jiñoñow ínje ibabaj ! »
40 40 Ho nelob gurim gaagu,
naliigiil guñenool nꞌgoohool.
41 41 Ngúyinenut mee bu jaat mara gásuumaay son gajaahali gammee mꞌbugo,
Yéesu nasonkeniil :
« Jibabaj taahe múcahoaay ? »
42 42 Nguŋarulool gasaat gara jicaaŋen jasowisow.
43 43 Naŋar go atogoñ bújooŋooriil.
44 44 Ñeer narogiil :
« Wan ilobuul mee nan eemeen mee mꞌbuguul mara walobi mee múmbaam nꞌfuyuhoum fara Móyiis,
mꞌBusafer bara enabiyoŋ yaayu son may bara éliibar yara Ufooñ waawu,
wo peepe bu gakaano. »
45 45 Afaak nápeegul úyegehiil min ñeer gújuh gujok wan Busafer baabu bulob mee.
46 46 Narogiil :
« Saferisafer mara Kirista be élaam,
nacet,
nayihoúl dó nꞌgacet mee nꞌfunak fúfaaten.
47 47 Ban galagenool mee bu guwaare nꞌgajow goola nꞌsísuk saasu peepe sara duniya jógum taahe Yérusaleem,
mimbil bugan gujok émiremma ngúlowul bakaaneriil min Atúuha abonket síjunubeiil.
48 48 Buguul jañow mee njijam dáaru peepe,
buguul jibil mee egaan bugan gaagu.
49 49 Injé fannaom be eboñúl bu mꞌbuguul Búyeget Baset mee ban Paayom alob mee mara bo :
bare mbi jilako dáare nꞌésuk ye bu nan jibil mee eyab sembe saasu sara fatiya. »
Yéesu nabaañ bu fatiya
50 50 Púr to,
Yéesu naŋariil ngujow gujooŋoor ésuk yan guroge mee Betani,
nateb guñenool fatiya min ásoonieniil.
51 51 Ho ngásoonieniil,
natebo bu fatiya akahiil to.
52 52 Ñeer bugo nguyah to gújuul ngusalool,
ngubaañ bu Yérusaleem nꞌgásuumaay gáamak ró.
53 53 Ban ubugu nesalool nanoonan nꞌyaŋ Atúuha.