7. Nak uwosenaal wan Yéesu akaan mee
7. Souvenons-nous de ce que Jésus a fait
26 26​ ​​Bugo nfúcaho faafu, Yéesu naŋar fúmbuur, nasal Atúuha afaak, nasaahoor fo asen ulagenaool, narogiil : « Jiyab jitiñ : úre eniinom. » 27 27​ ​​Naŋar éraanum yaayu nasal Atúuha, naseniil yo, narogiil : « Jiyab jiremoor buguul peepe : 28 28​ ​​Dáare fúsimom, fúsim faafu fakaan mee bapaalaay baabu mbútik, fáyuhi mee bu mꞌbugan gamemmeeŋ bu gabonket síjunube.
 
14 14​ ​​Nan ewaato étiiŋ mee, Yéesu nꞌulagenaool gammee guñen nꞌgúruba ngulako bu fúcaho. 15 15​ ​​Narogiil : « Jímirut min icamen mee fúcaho mꞌPaak ye mꞌbuguul bala ílaam ! 16 16​ ​​Niroguul, mat imus ibaañ ícaho yo jaram nan wan eliik mee ukaano dó nꞌJáyiih Atúuha. » 17 17​ ​​Naŋar éraanum, nasal Atúuha, narogiil : « Jiŋar dáare jiremoor. 18 18​ ​​Niroguul, jógum funak fara jaat, mat ibaañ irem bíiñ káŋ bu nan Jáyiih Atúuha jibil mee étiiŋul. »
19 19​ ​​Naŋar fúmbuur, nasal Atúuha, nasaahoor fo agabooriil narogiil : « Dáare eniinom yaseni mee bu mꞌbuguul. Jikaan mee min jiwosenom. » 20 20​ ​​Nan gúcaho mee gufaak, naseniil may éraanum yaayu narogiil : « Eráanum ye eliiliik bapaalaay baabu buwuugul báwuñeni mee nꞌfúsimom fáyuhi mee bu mꞌbuguul. »