LUKE
लुका
1
इनिघांजी कि घोनेच्कुका दि बातो के जो आलेगा तालान गेन डाऔवा इतिहास ओलेन टी येण्दाके होय | 2 जैसा कि दिकुनी जो पेला टे का इनी बातो के दोडो मिंकू येथा वचन गा सेवाक डा, आले टायेन पोचातीन्जुवा | 3 इनिघांजी हे श्रीमान ठीयुफिलूस इंजेन भी येटेन साही मालूमजे मेना कि दि सेबाई बातो गा सेबाई हाल सुतुका टे साही साही तापा 4 कि आम येटेन मालुमेकी कि इनी बातो डेगा आम शिक्षा घाटायेन होय, तोनोगो बाणे होय || 5 याहुदिया गा राजा हेरोदेस गा टेमोन आबिय्याह गा दालन ओलेडो जकरयाह जीमू गा म्या यजाक डा, येथा दियागा जापाए टे हारून गा पीडी गा डा, दियागा जीमू इलीशिबा डा || 6 येठा दिकिंज बार्खींज भी परमेश्वर गा सम्मान धर्मी डा, येथा प्रभू गा सेबाई हुकुम येथा विधियो लीन्जेन बेगुणाह सेन्द्रा डा| दियागा तुनिका कोण बाऊ होय ? 7 चोयाकी इलीशिबा साना डा, येथा दिकिंज बार्खींज बुद्डा का डा, || 8 जब देतेन आपणा द्ल्की लीन्जेन परमेश्वर गा सम्मान यजक गा कामाय दडा डा | 9 मेटे याजाक गा रिती गा रोन्गो दियागा जीमू लीन्जेन चिठ्ठी ओठ्के, कि प्रभू गा मंदिर गेन ओलेडो धूपो आराके ? 10 येथा धूपो जुजुल गा टेमो सेबाई मांडिली बाल्लन प्रार्थना दडा लाक्के डा || 11 कि प्रभू गा म्या स्वर्गदूत घामो गा वेदी गा डाखुरी कोनेन तेगेन्के मेणा दियेन दोयेन मेना | 12 येथा जकरयाह दोटे घबरा तिन्जे येथा दिया लीन्जेन खाट हिघरा घैय्ये मेना | 13 पेनो स्वर्गदूत नी दिच्के मंदिके, हे जकरयाह, हिघरा बाकी चोयाकी अमा प्रार्थना आजुम्जे होय, अमा गा जापाए इलीशिबा टे अमा घांजी म्या कोण डौवा होय, येथा आम दियागा जीमू युहन्ना डोकी | 14 येथा आमेन ख़ुशी येथा आच्छा लगातीन्जुवा: येथा बेभाव कुरकु दियागा जन्म गा कारण ख़ुशीयेन होय, 15 चोयाकी देतेन प्रभू गा सम्मान होण्गा; येथा दाखरास येथा मंदिरा चोलाका बाकी नुणु; येथा आपणा आणते गा लाजाटे पवित्र आत्मा टे बेट्टीवा होय ?” 16 येठा इस्राइल गेन घोनेच्कू आमके दिकुगा प्रभू परमेश्वर गा कोनेन इखातबा |” 17 देतेन एलीय्याह गा आत्मा येथा समर्थ गेन भेट्टी टे दियागा साम्मा साम्मा सेन्द्रवा कि पित्रो गा मान पोट्टा मिंकू कोनेन इखाट की, येथा हुकुम बाण आजोम मिन्कुके धर्मी गा सामाजेन सालेकू; येथा प्रभू गा घांजी म्या लायको प्रजा तैयार केजा |” 18 जकरयाह नी स्वर्गदूत टे कोम्बाराके; येटेन इंज टोनोगो मालुमे? चोयाकी इंज्नी बुददायेन होय; येथा इंजागा जापाए भी भूद्डेन होय | 19 स्वर्गदूत नी दिच्के उत्तर जीके, कि इंज जिब्राईल होय, जो परमेश्वर गा सम्मान टेगेनवा होय; येथा इंज आपेटे बातोवा येथा आपेके इनी सुसमाचार आजोमागा घांजी कुल्केमी होय | 20 येथा डोगे जिस दिन टायेन आणी बातो पुरौ बाणे, दि दिन तायेन आम मौन डोकी, येथा मांडी बाणे, इनिघांजी कि आम्नी इंजा बातो के जो इंजागा टेमो लीन्जेन पुराऊ होण्गा खिजाऊ बाकी | 21 येथा कुरकु जकरयाह गा इंतजार दोडो लाक्के येथा आचम्बो दडा लाज्जे दिच्के मांदिरेण येटो टेमो चोया घैय्ये ? 22 जब देतेन बाल्लान हेन, मेटे दिकुटे बाण मांडीडुका, हेन दिकून मालुम्जे, कि दिच्नी मंदिर गेन तुनिका दर्शन घाटायेन होय, येथा देतेन इद्कू हिघारा लाज्जे मेणा, येथा गुणगा थंडळके डा, ? 23 जब दिच्नी सेवा गा दिन पुरायेन मेणा, मेटे देतेन हेजेआगा उरान ओले, || 24 इनी दिना गा बातोन दियागा जापाए टे इलीशिबा लाच्के होय, येथा मोनाई माहिना टायेन आपणा खुद के इनी मांडीकी उखू कि | 25 कि कोरो गेन इंजागा अपमान लेंक्कीना घांजी प्रभू नी इनी दिनेन कृपादोटे इंजा घांजी येनोगो डाके होय || 26 साह्व्वा महिनान परमेश्वर गा कोणटे जिब्राइल स्वर्गदूत गालील गा नासरात नगर गेन म्या कुंवारी गा मेराण कुल्के नेच डा | 27 जेगा मंगनी युसुफ जीमू दाऊद गा उरा गा म्या साना टे दायेन डा, दि कुंवारी गा जीमू मरियाम डा | 28 येथा स्वर्गदूत नी दियागा मेराण तालान हेन्डो मांदिके; ख़ुशीटे येथा जय आमागा का जे लीन्जेन ईश्वार गा अनुग्राह डायेन होय, प्रभू अमा साथोन होय | 29 देतेन दि वचन टे बेभाव हिघरायेन मेणा, येथा सोचातींज लाज्जे, कि एतेन तुनी रोन्गो अभिवादन होय? 30 स्वर्गदूत नी दिच्के मंदिके, हे मारीयाम हिघ्रा बाकी चोयाकी परमेश्वर गा अनुग्रह आपे लीन्जेन होय | 31 येथा डोगे, आम लाजुवा मेणा, येथा अमेन म्या कोण डौवा होय; आम दियागा जीमू यीशु डोकी ?” 32 देतेन महान होण्गा, येथा परमप्रधान गा कोणटे मांडेवा; येथा प्रभू परमेश्वर दियागा बाटे दाऊद गा सिंहासान दिच्के जे || 33 येथा देतेन याकुब गा उरा लीन्जेन हामेशा राज्य डायेवा; येथा दियागा राज्य गा नाशौ बाने | 34 मरियाम नी स्वर्गदूत टे मांडीके, येटेन चोया डौवा? इंज्नी सना के हाडाई बाने होय | 35 स्वर्गदूत नी दिच्के उत्तर जीके; कि पवित्र आत्मा आपे लीन्जेन आगुरुवा, येथा परमप्रधान गा समर्थ आपे लीन्जेन सैली रोन्गो थंडळवा इनिघांजी देतेन पवित्र जो डौऊ मिठाच होय, परमेश्वर गा कोण मांडेवा?” 36 येथा डोगे, येथा अमा परिवार इलीशिबा गांभी सानायेन टेमो कोण डाऊवा मेणा डा, येटेन दियागा जो बाम्जाई टे डा, साह्वा माहिना होय | 37 चोयाकी जो वचन परमेश्वर गा कोणटे डौवा होय, देतेन घालेवाका बाणे मेणा ? 38 मरियम नी मादिके,, डोगे इंज प्रभू गा दासी होय, इंजेन अमा वचन गा रोन्गो होय: मेटे स्वर्गदूत दियागा मेराटे ओले मेणा || 39 दि दिनेन मरियम बिठ्जेडो जाल्दी का तुक्की देशोन याहुदा गा म्या नगरेन ओले | 40 येथा जकरयाह गा उरान गेन ओलेडो इलीशिबा के नमस्कार केनेच | 41 जो इलीशिबा नी मरियम गा नमस्कार अजुम्के जो बचातिन्ज्के दियागा लाजेन नाचोके, येथा इलीशिबा पवित्र आत्मा टे बेट्टीके मेणा होय | 42 येथा दिच्नी खाट आवाज टे हाकोटे मांदिके, आम जापाए कु ताला धन्या होय, येथा अमा लाजा गा फल धन्य होय | 43 येथा येटेन अनुग्रह इंज्के मंदिके, तोटे टे डायेन, कि इंजा प्रभू गा आंटे इंजा मेराण हेन, 44 येथा डोगे जो अमा नमस्कार गा आवाज इंजा लुतुरेण हेन मेटेका सानी इंजा लाजेन खुशिटे नाचो लाक्के डा, 45 येथा धन्य होय, देतेन जे नी विश्वास डाके, कि जो बातो प्रभू कोनटे दिच्के मांदिके, दि पुरायेन होय ? 46 मेटे मरियम नी मन्दिके, इंजागाजान प्रभू गा बाडाई दडावा होय ? 47 येथा इंजा आत्मा इंजा उद्धार दडामिठाच परमेश्वर टे खुशेन मेना | 48 चोयाकी दिच्नी हेजागा का दासी इटन झुकातीन्जू गा लीन्जेन नजर येण्दाके होय, इनिघांजी डोगे नका टे सेबाई युग युग गा कुरकु इंज्के धन्य मांडेवा ? 49 चोयाकी दि शाक्तीमान नी इंजा घांजी खापेट खापेट कामाय डाके, होय, येथा दियागा जीमू पवित्र होय | 50 येथा दियागा द्या दिकू लीन्जेन, जो दिया टे हिघरावा होय, पीडी पीडी टायेन अरुका थंडळके होय | 51 इद्च्नी आपणा ताखात घाल्के, येथा जो आपणा खुद के खात सामझातिन्जू डा, दिकुके इगन हुगन डाके | 52 दिच्नी ताखात मिंकू के सिन्हासन टे बोचोकेकू;; येथा दिन्के उंचा के मेना ? 53 दिच्नी रांगेचमिंकू के अच्छा चीजो टे शांती केकू येथा डामा मिन्कुके दितीन्का टीते ओठ्केकू ? 54 दिच्नी हेजागा सेवाक कुके इस्राइल के साम्बलातिन्ज्के ? 55 कि आपणा दिया द्या के यादो डोये, जो आब्राहाम येथा दियागा कोंकू लीन्जेन हामेशा थंडळवा, जैसा दिच्नी आलेगा आजा दादा कु टे मन्दिके डा, 56 मरियम लगभग आफाई माहिना दियागा साथोन थंडळके उरान हेन मेणा || 57 मेटे इलीशिबा गा डाऊगा टेमोन पुरायेन होय, येथा देतेन पोट्टा डौवा ? 58 दियागा मेराकू येथा पारिवार नि इनी आजुम्ते, कि प्रभू नी दिया लीन्जेन खाट द्या डाके, होय, दियागा टी खुशेन मेणा | 59 येथा येनोगो डायेन कि आठवा दिन दि सानी गा खात्ना दडा हेन 60 येथा दियागा आंटे उत्तर जीके कि बाणे; बरन दियागा जीमू युहन्ना डोके होय | 61 येथा दिकुनी दिचके मांदिके, अमा पारिवार गेन जेकागाका जीमू बाऊ ? 62 मेटे दिकुनी दियागा बाटे टे मांटे कोम्बाराके? 63 कि आम दियागा जीमू चोच दोडोवा होय? येथा दिच्नी ओल्गा पट्टी आसिटे ओल्के होय, कि दियागा जीमू युहन्ना होय: येथा सेबाई कु आचोम्बोयेन मेणा | 64 मेटे दियागा चबु येथा तिळीनज तुरुटो खुल्लायेन मेणा; येथा देतेन मांडी लाज्जे, परमेश्वर गा धन्यवाद दडा लज्जे | 65 येथा दियागा आसो पासो गा सेबाई चर्चा यहुद्या गा सेबाई तुक्की देशोन फैलातिन्जे | 66 येथा सेबाई आजुम इंकू नी आपणा आपणा मना बिचार टे मान्दिएक, येटेन सानी टोनोगो होण्गा चोयाकी प्रभू गा टी दियाग साथोन डा || 67 येथा दियागा बाटे जकरयाह पवित्र आत्मा टे बेट्टीन मेणा, येथा भविष्यवाणी दडा लाज्जे | 68 कि प्रभू इस्राइल गा परमेश्वर धन्य डायु, कि दिच्नी हेजागा कुरकु लीन्जेन नजर येण्दाके, येथा दिचके आराकेनेच होय | 69 येथा दियागा सेवाक दाऊद गा उरान आलेगा घांजी म्या उध्दार ग सिंगी ओठ्जे | 70 जैसा इद्च्नी हेजागा पवित्र भविष्यावाणी गा गेल्ला जो दुनिया गा पेला टे दौवा मेणा होय, मांदिक डा | 71 यानेकी- आलेगा दुष्मान कुटे, येथा आलेगा सेबाई खिजो कुगा टीटे आलेगा उध्दार डौवा होय | 72 कि आलेगा आजा दादा कु लीन्जेन द्या दाटे आपणा पवित्र वादा 73 येथा द्तेन कासोम जो दिच्नी आलेगा बाटे आब्राहाम टे जोफे डा, 74 कि देतेन आलेके इनी जेवा, कि आले आपणा दुष्मान गा टी टे आराटे | 75 दियागा सम्मान पवित्र येथा धर्मिक्ता टे जीवाण बार बाकी हिघरा 76 येथा आम हे चाफ्निकू, परमप्रधान गा भविष्यवाणी मांडेवा, चोयाकी आम प्रभू गा कोरा ता तैयार लाज्जे घांजी दियागा सम्मा सम्माटे सेनेवा? 77 कि दियागा कुरकु ग उध्दार गा ग्यान जिली, जो दिकुगा पापो गां माफी टे घाटौवा होय | 78 येटेन आलेगा परमेश्वार गा दिका खाट कारुना टे होण्गा डेगा कारण मठाटे आले लीन्जेन सिंगुरूप गा घामो होण्गा ? 79 कि पापोन येथा गुजू गा साईली गेन सुबानगा उजाला जिली, येथा आलेगा नंगा गा अच्छा कोराण सीधा सेन्दाराये ? 80 येथा देतेन सानी खाडूवा येथा आत्मा गेन ताखात घाटौवा मेणा, येथा इस्राइल लीन्जेन ओठ्बा दिन टायेन डोंगोरेण थंडळवा होय ?