खाली मार्गोटो
(मत्ती 28:1-8; लूका 24:1-12; यूहन्ना 20:1-10)
16
दुसरा दिन गा सिंगुरूप मेटे परमेश्वर गा पवित्र दिन डा बितातिन्जे, मेटे मरियम जो मगदेला गाँव टे डा एठा सलोमी एठा मरियम जो सानी याकूब एठा योसेस गा आंटे डा। दिकुनी अच्छा सुकिंज चीजो मोलाटे सावेकी हेजे डो यीशु गा कोम्बोरेन येंडाए। 2 मेटे इतावार गा फेजेर, जब सूर्या वोटके डा। डी जपाएकु यीशु गा गगाळातिंज गा गुफा। 3 एठा इकुका मंडी लक्के डा, “आले घाल्जी गगाळातिंज गा गुफा गा दरोजोटे घोटा जे म्याधेळेनेबा?” 4 एठा जब जपाएकु गगाळातिंज गा गुफा हेन मेटे गगाळातिंज गा गुफा गा दरोजो खुल्लाका डोके। 5 मेटे गुफा गा मर्गोटो तलान ओलेडो दिकुनी म्या जवानके पुलूम कपडे उरीटे डाखुरी गगाळातिंज गा गुफा कोनेन सुबंटे डोके एठा ठायका बिचारजे। 6 डि जवान कोरो जपाए कूटे मंडीके, “अचाम्बोऊ, आपे यीशु नासरी के, जो क्रूस लिजेन पेळेच्केनेच डा घागटावा। डिच जीटाएन होय येडेन बाऊनेच होय। दोगे, इनी डीका जगा होय। देटेन यीशुके डोकेनेच डा। 7 पेनो आपे सेने, एठा दियागा चेलाकूके एठा पतरस टे मांडे। कि यीशु आपे टे पेला गलील लेन सेनेवा। देंगोका डिचनी आपे टे मंडीके डा। आपे देडेनका डिचके डोगेचबा।” 8 इनी आजुम गा बादोन, जपाएकु गगाळातिंज गा गुफा टे साळुपटे बल्लान हेन, चोयाकी दिकु घबरातिंजे कपातिंजू लज्जे। कोरान, दिकुनी जेकाकेका चोचकाभी घालडुका चोयाकी दिकु हिगराएन डा।मरियम मगदलीनी यीशु के डोकेनेच होय
(मत्ती 28:9-10; यूहन्ना 20:11-18)
9 इतावार गा फेजेर यीशु गा मुर्दा टे जीटाऊ गा बादोन। सेबाई टे यीशु जो कोरोन डोके डिच मरियम जो मगदेला गाँव टे डा। देटे यीशुनी पेला आईय्या भूतोकूके ओठकेकु डा। 10 मरियम नी यीशु गा चेलाकू मेरान ओलेडो यीशु गा जीटाऊ गा खबोर घल्के। जब मरियम दिकुके डोकेकु की, दिकु यीशु गा गुजू बारेन दुखिनके डा एठा जाम लक्के डा। 11 लेकिन जब चेलाकूनी दियाटे आजूमके की यीशु डाबोलटे जीटायेन होय एठा मरियम नी डिचके डोकेनेच होय, मेटे दिकुनी दिया लिंजेन विश्वास दोडो टे बान मेंके।
बारी चेलाकिंज गा दुगुवा
(लूका 24:13-35)
12 एने बदोन यीशु दुसरा रुपोन हेजा चेलाकू तलाटे बर्खिंज के जब दिकिंज शहर टे गाँव कोनेन सेने लक्के डा दिकुन डोके। लेकिन दिकुनी डिचके जलदिका बान चिनाडुका चोयाकी देटेन बिलकुल आलग्गो डूगु डा, 13 25 जब दिकुन एसास डाएन की डिच यीशु होय। दुसरा चेलाकूके अच्छा खाबोर घागल घाल्जी डाबोलटे हिराएन। लेकिन जेकाभी दिकिंज लिंजेन विश्वास बान दोडुका।
महान हुकूम
(मत्ती 28:16-20; लूका 24:36-49; यूहन्ना 20:19-23; प्रेरित 1:6-8)
14 एनेगा बादोन यीशु डी ग्यारह चेलाकूभी जब दिकू आटा जोजोम सुबानके डा डोके। एठा यीशुनी दिकुके कल्लाकेकु डा चोयाकी डिच जिद्दी डा। दिकुनी डी कुरकू गा गवाही लिंजेन विश्वास बान दोडुका। दिकुनी यीशुके जीटाऊ गा बादोन डोकेनेच डा। 15 मेटे यीशुनी चेलाकू टे मंडीके, “आपे सेबाई दुनियान सेने डो कुरकूके इंजा अच्छा खाबोर घालेवा।” 16 जेकाभी इंजा लिंजेन विश्वास दोडोबा एठा येटेन गघाल घाल्जी बपतिस्मा सावा होय, की डिच इंजा लिंजेन नका विश्वास दोडोबा होय, परमेश्वर दिकुके पापो गा सजाटे बचातिंजकोम्बा, लेकिन डी सेबाई कुरकू जो इंजा लिंजेन विश्वास बान दोडो होय, परमेश्वर दिकुके दिकुगा पापो गा घाल्जी दण्डो जेबा। 17 विश्वास दडा मिन्कूनी इनी निशान डायेन दिकु इंजा जीमूटे अचम्बो कामय दडाबा एठा भूतोके कोलाकुवा, एठा रेंग्गो-रेंग्गो भाषा मंडीबा। 18 जहरमिठाच बिंजकुके ठुलकुवा, एठा अगर दिकू जहरमिनी चीजो भी नोएवा तौभी दियागा चोच काभी तखलीप बान डाऊ। डिच बिमारीकु लिजेन टी डोयेवा, एठा दिकू साजाऊवा होय।
यीशु गा स्वर्ग ओले
(लूका 24:50-53; प्रेरित 1:9-11)