hitaym maapar kristaana sarteseti hitam
3
1 "hitaymishsh se maapar kristaana se sartese kiyyu sedep kid tsaafii,
"hin laaffot Mooha tappanne iska tapp qapu sedep kidin,
erkamaatt henxup;
mahhann ulla kishsh male hetoxt.
2 amm erkamaatt moohaawu turass haasutta hedapen antu akkemu,
semmaalla hayii;
iyaan ull hehhat toxt dehaad qimiyy.
3 ammann kollilaan ashshann kiyy ikkim qeeddattenne dakayt qaapadu,
lushadu,
juppot qara mitaatii.
lamm et haya diitto keraapin hekenda paina;
saatet ashshann kishsho ikkimin painu amm heufutamu.
4 hekoddu male orr qoj iyyaan uuwaataddu oshshumusisa diiy sartes qalle hed olle kiyy,
oot uuwaat atat uwatott iyyaa fadusinnishshu maalla,
iyyaa uuwaat atat uwanninan an olle anninan.
5 iyy inpush settep uuwaat atat uwannina;
mahhayyenno matsaafa kiyyat qara amm all ushuqinnihinamu,
hekkaawu koddaayyenno appaawonne hitaymiyyaayy turassin ufunaytinnina.
6 "hin laaffot maaparadda kristaanati lelishshu nam lappa qapu hedakayu."
hitaym maapar kristaana filatalifiyaati hitam
7 "hitaymishsh se maapar kristaana se filatalifiya kiyyoss sedep kid tsaafii,
"hin miilampaytanne shaakket kodd qulfet taawitaqapad;
se iyyat qahiy,
aynonno duha diinniyyu;
se iyyat duh aynonno qahisa diinniyyu sedep kidin;
8 erkamaatt henxup;
toxare karfa aynonno hed turi duha fotta diinninu iyy qahisamin hed turi haay;
irroshitt it qojj koddaadd henxup;
hekoddu male lelaawu helushatt,
mahhaawonno amm hemarmitemu.
9 eerpampayyaan ayhuta kodda male,
'innu ayhuta' kidiyy daaet seetsan kodd ikkim deynan lukkeshayt keli sunkinanessin kodina;
antu hed hoxsaattaawonno ikkim ufunaanninanessin kodusinnina;
10 oot att lel se antu duupadu hedi kid lushatt maalla,
ananno lamm saatet rakkot se orr husslah qara kallaanniyyu dahin ekkasa husslah qarop deyishshu kelan hed lushina.
11 toare antu shakarin kidina deyina;
ikkim aynonno qoyqoyt inpushaayt hed qara inqeeddannin hin att qaftu dikkiyy lushadu.
12 se inpush man miilot heka moohaawu tallassin qapayya kodina;
ittureeshanno por se ila amm apure sohanninamu;
mahh moohaawotenne mahh sapara moohaawotenne mahhaawu awshittannon iyy qari tsaafina;
saparaanettenno yerusaalem awshittet se moontalle moohaawu kapaatt deyintu kida.
13 "hin laaffot maaparadda kristaanati lelishshu nam lappa qapu hedakayu."
hitaym maapar kristaana lotoqiyaati hitam
14 "hitaymishsh maapar kristaana se lotoqiya kiyyoss sedep kid tsaafii,
"se ameen kodd,
maanyet amaanamenne tsillampayt kodd,
hin uuma Mooha dahenness pexashisampyt kodd sedep kidin,
15 erkamaatt henxup;
amm iyy qappannaw shoke dooh hekkodditemu;
iyy qappannaw shoke dooh koddit kid hedikk.
16 oot att iyy qappannaw shoke iddooh kodda diitt,
joflooq koddit maalla kapaawu kela all hed shuhan hiina.
17 att 'antu shorokitt,
heikketin qap,
akkan shokkooh naf amm ani fadusinniyyamu' hekidin male,
sharpaytanne hiyayytanne,
teekampaytanne indamalaanne iyy dank patt kiyyu koddaayt amm heufunatemu;
18 shorokitt koddaass ikkim worqet apittin ekkawsant piddannintu,
deesot dank patt kinnaattaayt akkaatta tura uuwaat atat uuwannintu,
dikkisa lak akkaasenno ikkim qorc inda an qara piddannintossin hed korsin.
19 orr antu hoxsaanniyyu dahenn tushinkiyy horsinnin;
ammann pahii,
juppot qara mitaatii.
20 toare altassin ell karfa kokkoinnin;
et aynonno nassaawu dakayu karfa an qahiyyo kalinhn iyy olle eetot damina;
iyyanno an olle damina.
21 lamm qum antu inpush appawu olle sheeddaayy qari laddep se inpushenno an olle ikkim sheeddaawu qari lainninossin kodina.
22 "hin laaffot miilot maaparadda kristaanat lelishshu nam lappa qapu hedakayu."