hitaym yewannis shokkiyya
lel kiyyat
1
1 oot lel kiyyat se turiqatta ulla kiyyotin inni tsaafin;
sedenno lel kiyyat se innu dakaynenne indoonnun akkin,
innu tooynenne harkoonnun qappann kida.
2 kiyyat hin heakkaat;
innonno kiyyat sett henxakkin;
oot kiyyat settetessenno maanyetumikkinn.
kiyyat parpar se Mooha appa kapa ulla kishshonne innossenno akkaattin inn lelini.
3 inn lamm innu olle ikkim shokkohum qafnaannintanessin,
se innu akkinenne dakayn innassenno lelin.
shokkoohumaaynonno appanne meetayy Yesus kristoos olle kida.
4 masmasunshaynonnoa ikkim kaysaannintossin sed inni tsaafin.
Moohot attumat
5 hitaymaan innu iyy qara dakayn innassenno lelinkinnu,
iyaan,
"Moohot attumat;
porinnat shakkaah nafenno iyy kapa amm hekishshamu."
kidiyy kida.
6 semmaalla etin,
"Mooha olle shokkohumin qafn" kidinkinnu illo poorinnat ila kallaanninkinnu koddito,
eerpoonninkinn;
lelaaynonne erkamoonnu ilanno amm shaakket hekishshamu.
7 hekoddu male,
qum iyyat attumat ila kiyyop etin innonno attumat ila kallaanno,
mashshimashshaynoss shokkohumin qafnaanninna.
lamm diik meetaayy heka Yesus juppot ila dahenn innu miilinnina.
8 etin,
"amm juppot henqafnamu" kidinno mashshaynossin patindapin.
amm shaakket innu ila hekishshamu.
9 etin juppooshaynu puutsiyyanno,
oot Moohot iamaanamenne tsillampayt kodd maalla,
juppooshaynu allihattu innu kidina;
nayqushaynu ilanno dahenn innu miilinninna.
10 etin,
"amm juppot henxerkannemu" kidino,
moohan eerpampayt kodin;
lelaayyenno amm innu ila hekiyyamu.