hitaym yewannis shokkiyya
kaalt
hitaym yewannis shokkiyyot qaap kakkaan lakk qap. qaapadaanettenno ikkim orr hin waarusinniyyu moohaanne metaayy Yesus kristoos olle shokkohum qafnaanninan kokkokkisaassenne kollila eerpa hin shokkohum sed allipatisa fottina ketta ikkim all sekaanninaness kida. helpaanette kollila eerpa hin sohad, "nayqunt deyishu husslah olle shokkohum qafnaattan oot it koddit maalla, meet Mooha Yesus amm apure nam kodda shokenne kiyyat nam qafnaatta fottinamu" hekidin kida. kollisampayya hin, "dina kidot kallat husslahat baaqura kela passatta" hekidin; sed olle lamm, "qaap dikk qafnaattaanne, nam pil hoxsunt akkisot amm dina olle shokkohum heqapamu." hekidin.
tsaafampayt lamm kollila hin shiittaan, Yesus kristoos shaakketass nam; orr Yesus amaaniyonne Mooha hoxsaanniyyu dahenn mashshamashshaddu orr hoxsatta iyyaa fadusinnin kidan kolliy.
hin matsaafa sed qalle kiyy
lel kiyyat 1,1-4
attumatanne porinnat 1,5�2,29
medda Moohaatenne medda taapiloos 3,1-24
shaakketanne eerpa 4,1-6
Moohot hoxsunt 4,7-21
amaantet pushishu 5,1-21.