hitaym betsiroos shokkiyya
kaalt
hitaym betsiroos shokkiyya qalless hitaym hin tsaafam, kristaana se, "siip Mooha pahisam" kidaman hembamiyassenne dind lashsh peisho pihitot qara issiyaalli purjaajess kida; qaap hitaym sed hin kkaan, orr se amaanteshaddu minan kann arsamenne rakkot qari deit qiqqimisaassenne kokkokkisaass kida. sedenn tsaafampayt lel masmasunt heka Yesus kristoos se oot toxshayyetenne, oot toxt ila sohaattaayyetenne, oot irraxatet lakkiyya deyaayyet orr se waarusinniyyu qaapusisaann tsaaf. kiyyat Yesus kristoos paahnat kodattan ikkim duupattan rakkot qeeddanninaness iyyaa qaapusinnin; sed olle qapan, ikkim rakkot qimussa amaanteshaddu ekkannishonne, "lashsh se Yesus kristoos deyiyyo" ikkim heriy ifadusinniyu qeeddanninaness iyyaa qaapusinnin kida.
tsaafampayt ikkim rakkot ila duupanninan aykusisaayy qareell orr waarusinniyyu ikkim kallat orr kristoos kanni anniyyu kallaadenep kishshu kallaanninaness qaapusinnin.
hin matsaafa sed qalle kiyy
kaalt 1,1-2
dinila Mooha immashshxoorsatta 1, 3-12
korsa kiyyat miiltin kallaatta daassam 1,13�2,10
helpa rakkotate sinkuma kristaana 2,11�4,19
dippatumanne erkama kristaana 5,1-11
kaysila 5,12-14.