3
1 semmaalla sedeeshsh duupatta fotta diittaaynu maallan innooh ateena laxa hinnaann.
2 illo oot amaanteshaynetti inn kokkisaassenne inn korsa tsimotos kafittaaynu erkamampayt Mooha se innu olle lel masmasunt heka kristoos leliyyu inn kapop hitin.
3 sedenno rakkot se inn qari deit minann ikkim inn inshukinshukawin tura kida;
rakkot sed qeeddatta ikkim innu fadusinnishshu innanno heufutan.
4 shaakketass helpaan innu inn kapa kinno,
ikkim rakkot innu qari deyintu turassin qattin inni lell;
qum inn ufutanep rakkot settenno innu qarass pait.
5 sed minann,
oot antu oot amaanteshayn ufunaatta male duupatta fotta diinninu maallan tsimootos inn kapop hit.
antu maalla inn kapop iyy hitenno,
sapapaass ekkasampayt inn ekkayy illo erkamaannu aypot koddenemu kida huuraann kida.
6 ammann lamm tsimootos inn kapa sohad innu kapop dey illo oot amaanteshaynetenne oot hoxsunshaynet torroot nam masmasusinnishshu innu lel;
inn lamm helpa mitt iyaan dikkin immashshi innu orsattaaynenne qum innu inn akka darraynkinnop innanno innu akka darrayaayn innu lel.
7 semmaalla kafoot!
etin rakkotanne miidamaalle kinnaannu nafenno amaanteshayn minann henkokkaann.
8 maana maalla,
Yesus poldin qima kallaattaann innoss kiyyashaynu kida.
9 oot masmasunt se innu inn minin moohaaynu turi akkann dahennetess aypila ashshann kiyyin Mooha dehanninna!
10 innu maalla kallapanne awwadd qiminnin dinkamanninkinnu,
inda sohaatin inn akkaassenne hin amaanteshayn qara kellaw qar innaaka ikkimin fottinnoss kida.
11 ammannenno moohaaynu appaaynu mashshayy,
poldaaynu yesusenno ikkimin inn kapop anninnu paana innu pahiyyu.
12 qum innu inn hoxsaanninkinnop pold hoxsunt se inn mashsh mashshaynessenne orr pil dahennessennno qaftan ikkim kaanintonne lekintu kodu.
13 paana sedenn poldaannu Yesus helpa miilampayyooyy dahenn olle deyiyyo moohaaynu appaaynu turi mutsuraann iyyaan haasutta dapenne iyyaan miil ikkim koddinaness inn kokkokkinnina.