toxt ila sohatta Yesus
(mati. 28,1-8; Luqaa. 24,1-12; yewa. 20,1-10)
16
1 sampata ayhuta tarp kanna,
maariyaam mektelishshetanne maariyaam inkot yayqoopenne salomenno,
dakint yesusin roopaass shittot pidden.
2 lashsh hirayta tappaa ayhutaate etikel tuqqan lashsh yaamishsho poosa qarop aanen.
3 iyyaa antaalle kiyyane,
"daka sett kaalt poosa kapa aynu innu kattina?"
kidaann ollin ishaamannin annin.
4 iyyaa maalla sedep kiden,
oot daka poosaan induhamen ikkaan kaan kodd maalla kida.
helpaan iyyaa tooyiyane,
dakotini dind qarass allkattam iyyaa akken.
5 helpaan iyyaa poosaan tallop luumene,
kolkolt uuwaat atat uuwad dind miskitt qari ulli laiyy akken illo nahen.
6 iyyat lamm asset iyyaa kid,
"haayy,
naha diiyyaa!
ikkim inn Yesus nasreetishsh se rahham fadishshaness henxup;
iyyat hesohad;
amm are hekiyyamu;
por iyyat ulli haayam toare,
tooyaa.
7 ammanneno aanaa,
soolleshayyenne betsiroosess,
'qum se iyyat tureeshsh inn lelep,
iyyat kelilap inn turin qattina;
ullass iyy akkintan.
' kidaa iyyaa lelaa."
8 iskatt settenno nahumaann hehhelshattete poosaan talla sohaden feeladen;
oot iyyaa ikkaani huuren maalla,
akkan shokkooh naf amm nami helelenemu.a
Yesus maariyaam mektelishetass akkaadb
(mati. 28,9-10; yewa. 20,11-18)
[
9 Yesus lashsh hirayta tappaate (uhute) etikel tuqqana toxtalle sohad kanna,
maariyaam mektelishet se iyyat turiqattaa qayy tapp qara sohashiyyess akkaad.
10 itanno he ant illo orr se iyy kanni anniy,
dappetanne pooytalle kiyyi lelt;
11 "Yesus tootalle hesohad,
kiyyatann kiyy,
ananno indooyyonnin iyy akk!"
hekidit iyyaa lelt;
iyyaa lamm amm it kap hedakayenemu.
Yesus soollet lakkess akkaad
(Luqaa. 24,13-35)
12 sekanna Yesus soollet lakk paat sapara patin kiyyop anniyass hepil paahnaad iyyaa akkaad.
13 iyyaa illo mitaaten,
soollet se hatti lelen.
sollet hinett lamm amm iyyaa kap hedakayenemu.
Yesus orr hitaym hundanne shokkoss akkaad
(mati. 28,16-20; Luqaa. 24,36-49; yewa. 20,19-23; er. 1,6-8)
14 sekkanna helpaan soolleshayy hundann shokku hinett dama damiyyane,
iyyaa akkaad;
illo oot se iyyaa orr se,
"Yesus toxtalle hesohad illo kiyyatin kiyy;
indoonnonnenno iyy henxakkini!"
iyyaa kiden illelen,
amaana diinniyyan iijjawisanniyan maalla,
iyyaa tuuh.
15 sedepanno iyyaa kid,
"husslah qarop dahenn aanaa,
nam dahenness lel masmasunt kolliyyaa.
16 nam amaan ahalisam dinannina;
lamm se amaana diiy qarass horat quuramina.
17 orr an amaaniyonno ishaak sed erkanninan;
mahhaawonn qayy sohashishnninan;
kap awshittanno ishaaminan;
18 et maaka harkin qapane shokenne qoric nam ikanniyyu naf ukane,
amm iyyaa miidinamu;
et harkaaddu baaqampayya qari qapane,
baaqampayya dinanninan."
Yesus moontalleel sohad
(Luqaa. 24,50-53; er. 1,9-11)