Na Turak i
Santiago
Meafu Sitaw a Libru
Na natturak sitaw e i Santiago, tata so afu-afuwera na minangikkurug ira so Jerusalem. Neturaknga iyaw so Hudyuwera a nassiwarak so naddadaruma a lugar. Oddu yo neturaknga sitaw. Natturak baggina meafu si madidiyat ira anna dammak ira anna meafu si paddiriyat anna pakkakkap. Natturak pay baggina meafu si tolayera a ana kalakanggammanda anna meafu pay si angngurug anna mapiya a taddera, meafu pay si dila. Natturak pay baggina meafu si angngammu a naggabwat sike Dios. Natturak pay baggina nu kasanna a mappataibbafa, meafu pay si pannunut si korwan a tolayera, meafu pay si pasensiya anna nu kasanna etam nad a maddasal.
Na tata a kanggam i Santiago a maintindiyantam so turaknga e awan balorna yo angngurug na tata tolay nu ammena maita so agguyuwannera. Na kagakkuruwan na angngurugnga e maita nad so mapiya a taddanera.