No Yaakuuba barkiniri Efrayim e Manasa
48
1 Balɗe njehi ngarti, Yuusufi wi'aa bammum sellaa. Ndelle o yaadi e ɓiɓɓe makko ɗiɗo, Manasa e Efrayim.2 Yaakuuba haalanaa: «Inan ɓiya Yuusufi warii faa yi'e». Israa'iila tinnitii, ummii, jooɗii dow daɗɗo muuɗum. 3 Yaakuuba wi'i Yuusufi:
«Mi hokkete ɓeyngu, mi yaajinan suudu maa, mi ɗuuɗinan lenyol maa faa ɓe laatoo siyiiji yimɓe heewɓe. Caggal ma, mi hokkan ƴuwdi maa leydi ndi, ɓe njeyta ndi faa abada.» 5 Joonin le, Efrayim e Manasa, ɓiɓɓe maa ɗiɗo ɓe keɓuɗaa ley leydi Misira gilla mi waraay to maa ɓeen laatoto ɓe njeymi hono ɓiɓɓe am Ruben e Simeyon. 6 Ammaa ɓiɓɓe ɓe keɓuɗaa caggal maɓɓe ɓeen, wo aan jeyi. Ɓe ndonan leydi dow innde mawniraaɓe maɓɓe Efrayim e Manasa. 7 Miin kaa, nde ƴuurunoomi Padan-Aram ndeen, Rahiina maayrii kam nder leydi Kanaana dow laawol, fadde am e yottaade Efrata. Mooɓumi mo dow laawol Efrata toon, ɗuum woni Baytilaama.
8 Israa'iila yi'i ɓiɓɓe Yuusufi ɓeen de wi'i:
— Ɓee wo ɓeye?
9 Yuusufi jaabii bammum, wi'i:
— Ɓe wo ɓiɓɓe am, ɓe Laamɗo hokki kam ɗo.
O jaabii, o wi'i:
— Ɓattin ɓe ɗo faa mi barkina ɓe.
10 Tawi o naywii faa gite makko cuddii. Nde Yuusufi ɓattinnoo ɓe mo ndeen, o mumilii ɓe, o muccii ɓe. 11 Caggal ɗuum, Israa'iila wi'i Yuusufi:
— Mi miilaayno yalla mi yi'an yeeso maa katin, de inan Laamɗo waɗii faa mi yi'ii ɓeyngu maa du.
12 Yuusufi itti ɓe dow koppi muuɗum, hofii, de hippi yeeso muuɗum faa e leydi.
13 Ndeen Yuusufi darni ɓe ɗiɗo fuu, Efrayim e junngo muuɗum nyaamo, gere nano Israa'iila, Manasa du e junngo makko nano, gere nyaamo Israa'iila. O ɓattini ɓe Israa'iila. 14 Israa'iila foorti junngo mum nyaamo, yowi dow hoore Efrayim, fay ko oon laatii minyiiwo ɗuum, nano ngoon o yowi ɗum dow hoore Manasa. O falonduri juuɗe makko dow ko'e maɓɓe sabo Manasa woni mawniiwo. 15 O barkini Yuusufi e ƴuwdi muuɗum, o wi'i:
— Laamɗo mo baabiraaɓe am Ibrahiima e Isiyaaka njokkunoo oon, reenii kam ley nguurndam am fuu. 16 Maleyka kisinɗo kam e torra fuu, barkina sukaaɓe ɓe. Innde am e innde saaraaɓe am Ibrahiima e Isiyaaka, keddoo saabe maɓɓe. Ɓe keewa faa ɓe ɗuuɗa ley adunaaru. 17 Nde Yuusufi yiinoo bammum yowi junngo mum nyaamo dow hoore Efrayim fu, mettaa. O nanngi ngo faa o yowta ngo dow hoore Efrayim, o yowa ngo dow hoore Manasa.
18 Yuusufi wi'i bammum:
— Wanaa noon baaba, sabo o woni afo. Yowu nyaamo maa dow hoore makko.
19 Baabiiko salii, wi'i:
— Miɗo anndi ɗum Yuusufi, miɗo anndi ɗum. Kanko du o laatoto lenyol, o laatoto du tedduɗo. Ammaa minyiiko oon ɓuran mo teddeengal, ƴuwdi muuɗum du laatoto lenyi keewɗi.
20 Nyande ndeen o barkinii ɓe, o wi'i:
— Saabe mooɗon yimɓe Israa'iila ndu'oto, mbi'a:
«Laamɗo waɗe hono Efrayim e Manasa»!
Noon Yaakuuba ardiniri Efrayim e dow Manasa.
21 Israa'iila wi'i Yuusufi: