Ƴuwdi Isuwa
36
1 Inan ƴuwdi Isuwa, bi'eteeɗo Edom. 2 Ɓee ngoni Kanaaninkooɓe rewɓe ɓe Isuwa ɓaŋi: Aada ɓii Elon Hitiyanke e Oholibama ɓii Aana taan Jibiyon Hewinke e 3 Basimat ɓii Ismaa'iila, sakiike Nebayot. 4 Aada rimani Isuwa Elifas. Basimat du rimi Rewel. 5 Oholibama rimi Yewus e Yalam e Koora. Ɓeen ngoni ɓiɓɓe ɓe Isuwa rimanaa leydi Kanaana.6 Isuwa hooƴi rewɓe muuɗum e ɓiɓɓe muuɗum worɓe e rewɓe e yimɓe muuɗum e dammuuli muuɗum e na'i muuɗum fuu, e jawdi mum ndi heɓi ley leydi Kanaana fuu, yaari leydi ngonndi, faa woɗɗoo minyum Yaakuuba. 7 Sabo jawdi maɓɓe heewii faa ɓe mbaawaa jooɗodaade. Leydi ndi ɓe njooɗinoo ndiin heƴaay ɓe saabe keewal daabaaji maɓɓe.
8 Isuwa hoɗi dow waamnde Seyiir. Ɗum woni Isuwa bi'eteeɗo Edom oon. 9 Inan inɗe taaniraaɓe Isuwa, bi'eteeɗo Edom, wonɓe dow waamnde Seyiir: 10 Elifas ɓii Aada e Rewel ɓii Basimat. 11 Inan ɓiɓɓe Elifas: Teman e Omar e Jefo e Gatam e Kenas. 12 Timna wo nattaaɗo Elifas ɓii Isuwa, nattaaɗo oon rimani Elifas Amalek. Inan ɓiɓɓe Aada jom suudu Isuwa. 13 Inan ɓiɓɓe Rewel: Nakat e Serak e Sama e Misa. Ɓeen ngoni ɓiɓɓe Basimat jom suudu Isuwa. 14 Yewus e Yalama e Koora, ɓeen ngoni ɓiɓɓe Oholibama ɓii Aana taan Jibiyon. Oholibama jom suudu Isuwa oon rimani ɗum ɓe.
15 Inan mawɓe lenyi ƴuwɗi e Isuwa: Ɓiɓɓe Elifas, afo Isuwa: Teman e Omar e Jefo e Kenas, 16 e Koora e Gatam e Amalek. Ɓeen ngoni lenyi ɓiɓɓe Elifas ley leydi Edom, ƴuwɓe e Aada. 17 Inan mawɓe lenyi ƴuwɗi e Rewel ɓii Isuwa: Nakat e Serak e Sama e Misa. Kamɓe ngoni lenyi ƴuwɗi e Rewel ley leydi Edom. Ɓe ƴuurii e Basimat jom suudu Isuwa. 18 Ɗi du ngoni lenyi ƴuwɗi e Oholibama jom suudu Isuwa oon: Yewus e Yalama e Koora. Kamɓe ngoni lenyi ƴuwɗi e Oholibama ɓii Aana. Oholibama wo jom suudu Isuwa. 19 Ɓeen ngoni ɓiɓɓe Isuwa e mawɓe lenyi muɓɓen. Ɗum woni Isuwa bi'eteeɗo Edom.
20 Inan ɓiɓɓe Seyiir Horinke wonɓe e leydi ndiin: Lotan e Sobal e Jibiyon e Aana 21 e Dison e Eser e Disan. Ɓeen ngoni mawɓe lenyi Horinkooɓe, kam'en ngoni ƴuwɓe e Seyiir jooɗinooɗo ley leydi Edom. 22 Inan ɓiɓɓe Lotan: Hori e Hemam. Timna wo sakiike Lotan debbo. 23 Inan ɓiɓɓe Sobal: Alwan e Manahat e Ebal e Sefo e Onam. 24 Inan ɓiɓɓe Jibiyon: Ayya e Aana. Aana ina durannoo araaji bammum Jibiyon faa yi'i ildude wulnde ley ladde yeewniinde. 25 Inan ɓiɓɓe Aana: Dison e sakiikem debbo Oholibama. 26 Inan ɓiɓɓe Dison: Hemdan e Esiban e Itaran e Keran. 27 Inan ɓiɓɓe Eser: Bilhan e Sawan e Akan. 28 Inan ɓiɓɓe Disan: Us e Araan. 29 Inan mawɓe lenyi ƴuwɗi e Hoor: Lotan e Sobal e Jibiyon e Aana e 30 Dison e Eser e Disan. Ɓeen ngoni mawɓe lenyi Hor jooɗinooɗo ley leydi Seyiir.
31 Inan kaanankooɓe laamiiɓe leydi Edom fadde ɓiɓɓe Israa'iila heɓude kaananke: 32 Bela ɓii Beyor laami Edom. Innde huɓeere makko wo Dinhaba. 33 Bela maayi, de Yobap ɓii Serak bosoranke loomti ɗum, laamii. 34 Yobap maayi, de Husam ƴuuruɗo leydi Teman loomti ɗum, laamii. 35 Husam maayi, de Hadad ɓii Bedad loomti ɗum, laamii. Oon woni bonnuɗo Madiyan ley leydi Mo'ab. Ngalluure makko ina wi'ee Awit. 36 Hadad maayi, de Samla jeyaaɗo Masreka loomti ɗum, laamii. 37 Samla maayi, de Sawulu jeyaaɗo Rehobot-Nahara loomti ɗum, laamii. 38 Sawulu maayi, de Ba'al-Hanaan ɓii Akbor loomti ɗum, laamii. 39 Ba'al-Hanaan ɓii Akbor maayi, de Hadar loomti ɗum, laamii. Ngalluure makko ina wi'ee Pawu. Jom suudu makko ina wi'ee Mehetabiila ɓii Matired debbo taan Mejahab.