Isiyaaka ley leydi Filistiyankooɓe
26
1 Wakkati majjum rafo waɗi e leydi ndiin. Ingo seedi e rafo waɗunoongo ley jamaanu Ibrahiima ngoon. Wakkati oon, Isiyaaka yehi leydi Abimelek kaananke Filistiyankooɓe, faa wuro Gerar.2 Joomiraaɗo ɓangi e makko wi'i:
— Taa yahu Misira. Jooɗa e leydi ndi kaalananmaami haala muuɗum ndiin. 3 Keddoɗaa e leydi ndi ɗo. Mi wondan e maaɗa, mi barkinte. Sabo wo aan e ƴuwdi maa kokkammi leydi ndi fuu. Mi hiɓɓinan hunayeere nde kunaniimi bammaa Ibrahiima ndeen. 4 Mi ɗuuɗinan ƴuwdi maa hono koode, mi hokkan ƴuwdi maa leyɗe ɗe fuu. De lenyi adunaaru fuu keɓan barke saabe ƴuwdi maa. 5 Mi waɗiran noon sabo Ibrahiima hettindanake kam. O tinnake e jamirooje am e farillaaji am e sariyaaji am.
— Wo o sakiike am debbo.
O suusaay wi'ude oon wo jom suudu makko. Si goonga, o hulii taa worɓe nokkuure ndeen mbara mo saabe Rifka, sabo oon wo jom ŋari sanne.
8 Ɓe ɓooyi e leydi ndiin. Nyannde gomma, Abimelek, kaananke Filistiyankooɓe oon, ndaari faro feneetere, yi'i Isiyaaka ina ŋawlondiraa e deekum Rifka. 9 Abimelek noddi Isiyaaka, wi'i:
— Jaka wo o deeka! Ko saabii de mbiiɗaa wo o sakiike maa debbo?
Isiyaaka jaabii mo, wi'i:
— Mi wi'ii noon faa taa ɓe mbara kam saabe makko.
10 Abimelek wi'i:
— Ɗume woni ko ngaɗuɗaa min ɗuum? Seeɗa haɗi gooto amin fukkodaade e jom suudu maa, de ngaddanaa min junuuba.
11 Ndeen Abimelek wi'i yimɓe ɓeen fuu:
— Meemuɗo gorko o naa deekum fu, warete.
12 Wooɗi ley hitaande ndeen Isiyaaka aawi e leydi ndiin, de Joomiraaɗo barkini mo, ko o heɓi ɗuum ɓuri ko o aawi ɗuum kile hemre. 13 Jawdi makko ina ɓeydoo faa o laatii jom jawdi mawɗo. 14 O laatii marɗo cogge be'i e baali e na'i e gollooɓe heewɓe. Ndeen Filistiyankooɓe kaasidii mo. 15 Ɓulli ɗi gollooɓe baabiiko Ibrahiima mbasunoo fuu, Filistiyankooɓe uwi ɗum'en, kebbini ɗum'en leydi.
16 Abimelek wi'i Isiyaaka:
— Dillu, mboɗɗoɗaa min, sabo a ɓurii min semmbe sanne.
17 Isiyaaka dilli toon, yehi ley naɗɗol Gerar, jooɗii toon. 18 Isiyaaka uuti ɓulli basanooɗi illa jamaanu bammum Ibrahiima ɗiin, ɗi Filistiyankooɓe uwunoo caggal maayde baabiiko ɗiin. O inndiri ɗi inɗe ɗe baabiiko inndirnoo ɗi.
19 Gollooɓe Isiyaaka mbasi ley naɗɗol toon de keɓi ɓunndu ndu ndiyam iloojam sanne. 20 Ndeen durooɓe Gerar ndukidi e durooɓe Isiyaaka, mbi'i:
Ndiyam ɗam wo minen njeyi ɗam. Isiyaaka inndiri ɓunndu nduun Eseka,b sabo ɓe pooɗundurii dow mayru. 21 Ndeen ɓe mbasi ɓunndu wonndu, de ɓe ndukidi dow nduun du. Saabe majjum o inndiri ndu Sitnac. 22 O eggi, o dilli toon, o wasi ɓunndu wonndu, ammaa nduun kaa ɓe ndukidaay dow muuɗum. Ɗum waɗi de o inndiri ndu Rehobotd. O wi'i:
— Joonin Joomiraaɗo yaajinanii en nokkuure, en ɓeydoto ley leydi ndi.
Aadi hakkunde Isiyaaka e Abimelek
— Miin woni Laamɗo bammaa Ibrahiima. Taa hulu, sabo miɗo wondi e maaɗa. Mi barkinte, mi ɗuuɗinan ƴuwdi maa saabe maccuɗo am Ibrahiima.
25 O nyiɓi toon hirsirde, o du'ii e innde Joomiraaɗo. O darni hukum makko. Gollooɓe makko mbasi ɓunndu ɗoon. 26 Abimelek ƴuuri Gerar wari to makko, wardi e Akusat, tindinoowo ɗum e Pikol, hooreejo sordaasiiɓe muuɗum. 27 Isiyaaka ƴami ɓe:
— Ko saabii de ngarɗon to am? Wanaa wo on mbanyuno kam de ndiiwuɗon kam naa?
28 Ɓe mbi'i:
— Min nji'ii, min taƴorii Joomiraaɗo ina wondi e maaɗa. Min tawii sanaa ngaɗen hunayeere hakkunde meeɗen. Adiden aadi. 29 Taa ngaɗaa min ko boni, hono no min meemiraay ma noon, hono no min ngaɗaay ma faa'e si wanaa ko wooɗi tan, min njoppitii ma ndilluɗaa e jam, aan laatiiɗo joonin barkinaaɗo Joomiraaɗo.
30 Isiyaaka waɗani ɓe weltaare, ɓe nyaami, ɓe njari. 31 Ɓe ndawi jaango majjum, ɓe adidi aadi, de Isiyaaka yoppi ɓe, ɓe ndilli e jam. 32 Ley nyalooma oon gollooɓe Isiyaaka ngari kaalani ɗum kabaaru ɓunndu ndu mbasi nduun, mbi'i mo: «Min keɓii ndiyam». 33 Isiyaaka inndiri ndu Seba, ɗum waɗi de huɓeere ndeen ina wi'ee Beersebae faa hannden.