Rimeede Ismaa'iila
16
1 Saaray jom suudu Abram oon rimanaay ɗum. Imo joginoo korɗo Misiranke bi'eteeɗo Hajara. 2 Ndeen Saaray haaldi e Abram, wi'i ɗum:— A yi'ii, Joomiraaɗo haɗii kam rimude. Ndelle njahaa to korɗo am oon, na hasii e makko keɓiranmi ɓiɗɗo.
Abram nani haala Saaray kaan, de jaɓi. 3 Ndeen Saaray jom suudu makko oon hokki mo Hajara korɗo muuɗum Misirankeejo oon. Nde ɗum waɗunoo fu, tawi Abram hoɗirii duuɓi sappo e leydi Kanaana. 4 Abram waaldi e Hajara, de hooƴi reedu. Nde o yi'unoo o hooƴii reedu ndeen, o huyfinii joomiiko debbo oon. 5 Saaray haaldi e Abram, wi'i:
— Torra kewtuɗo kam oon fuu e maaɗa ƴiwi! Mi hokkii ma korɗo am, nde o yi'unoo o hooƴii reedu ndeen, o huyfinii kam. Joomiraaɗo saro hakkunde meeɗen.
6 Abram jaabii mo, wi'i:
— Inan korɗo maa e junngo maa, no njiɗɗaa fuu ngaɗaa mo.
Ndeen Saaray fuɗɗi torrude mo. Hajara doggi woɗɗii to Saaray.
— Hajara, korɗo Saaray, toy ƴuuruɗaa? Toy njahataa?
O jaabii, o wi'i:
— Wo mi doggu joomam Saaray.
9 Maleyka oon wi'i mo:
— Hootu to joomaa debbo, leeƴin hoore maa yeeso makko.
10 Oon ɓeydi, wi'i:
— Mi hebbinan ƴuwdi maa sanne, faa ndi ronka limeede.
11 Maleyka Joomiraaɗo oon wi'i mo katin:
— Ndaar! Wo a debereedu joonin.
A riman ɓiɗɗo gorko.
Innditiraa ɗum Ismaa'iila (ɗum na fiirta «Laamɗo nanii»),
sabo Joomiraaɗo nanii bullaali torra maa ɗiin.
12 Ɓiya oon laatoto jarwuɗo hono araawa ladde.
O haɓdan e yimɓe fuu.
Yimɓe du fuu kaɓdan e makko.
O lunndoto sakiraaɓe makko fuu.
13 Hajara innditiri Joomiraaɗo kaalduɗo e muuɗum oon, «El Roy» (ɗum na fiirta «Laamɗo ji'oowo kam»). O wi'itii:
— Jaka ɗo podanaami yi'ude ji'oowo kam oon.