Waɗiino e jamaanuuji,

Alla hokku en jamaanuuji,

lobbi.

Yimɓe nayo koddunoo:

duroowo,

ndemoowo,

moodibbo e lohotooɗo.

Njannde gom goɗɗum waɗitii tomotte wari weerani ɓe.

Fay gooto e maɓɓe hoccoway beero o.

Nyannde gom ndemoowo ƴuuri ngesam,

fanti beero oon.

O yottinoo ɗo ɓeero ni ɓe njootondiri faa jootiiru yottii.

O wi'i beero:

"So ngoonga ɗo njippiɗaa ɗo min ɓuruɗaa ɓadaade.

Walaa fu le ko njogii-mi.

Mi walaa kosam,

mi walaa teewu.

So a yiituno,

a ɗakkitoyto jom na'i o,

maa lohotooɗo o."

Beero jaabii wi'i ɗo woni ɗo na heƴi ɗum.

Ndeen le tawii duroowo waray hocci o,

lohotooɗo waray hocci o.

Ndemoowo ummii hooti wurom.

O waɗi beero rottanaa hiraande hiirti.

Weetunoo ni beero men yaaranaa pumaari fummi.

Gaɗa ɗuum o nyalliri ɓaalɗe jeɗɗi,

o waaldi ɓaalde jeɗɗi.

Heddii duroowo,

moodibbo e loohotooɗo fu njahay ɗo beero o.

Wari nyalaande dawol beero fini.

O ɗaɓɓi ndemoowo o,

hawrondina hoddiiɓem heɓa o waɗana ɓe,

ɓe fu du'aa'u:

ɗuum won moodibbo o,

duroowo o,

lohotooɗo o.

Ndemoowo hawrondini hoddiraaɓem.

Ɓe fu ɓe njooɗii.

Beero men ƴami gooto maɓɓe:

- Gorko,

ɗume won golle maa junngo ?

- Mi loohotooɗo.

- Mi waɗan Alla hedde e ɗoyru.

Na mi anndi so lohotooɗo nyallii na ɗojja,

hasaaki ndiwri daroo sakko lohotooɗo fellata ɗum."

Beero watti ƴami:

- Gorko,

ɗume won golle maa junngo ?

- Mi moodibbo.

- Mi waɗante du'aa'u Alla hedde e ɗoyɗi.

Na mi anndi so a wirday de a winnday,

walaa ko moodibbaare maa nafirte.

Beero sakitorii duroowo o.

O ƴami ɗum ɗume won gollem junngo;

ɗum wi'i ɗum duroowo.

Moodibbo wi'i mi waɗante du'aa'u Alla hedda mare maa e oppere.

Ko ndimnuɗaa fu oppere ada.

Beero wi'i Alla heddu ndemoowo du e ndemndi.

Ɗuum waɗi de nde ndunngu wooɗi e boni fu,

ndemoowo walaa haala so wanaa haala ndemndi.

Leɓaa njeggiten koo no beero wardi fu,

na leeɓi hocceede.

Saajo Bari