So yimɓe moƴƴiri, so njoppondiray, bada goɗɗo waawaa heɓande ɓoy.Ga'i tati ngonnoo: ndii ndaneeri, ndii mboɗeeri, ndii ɓaleeri. Ɗi nduɗii na ɗi ngoni ley ladde. Toon ɗi mbuuri. Toon ɗi nyallata, toon ɗi mbaalata.

Ladderu warowi yii ɗi. Na durana ɗi dagu no ɗi ndurdata nih, heɓa nannga ɗi. Walaa fu no laddeeru men waɗay, waaway. Wari, ndu anndaa fu no ndu watta heɓa ndu nannga ɗi: ɗi njoppondirtaa, ɗi luttondirtaa sakko goɗɗo heƴan hakkunde majji.

Faa njannde gom laddeeru men heɓi ngaari ɓaleeri ndi, darodii na yewtida. O wi'i ndi: "Nda! Anon koo ɗo njaaton, on tato, on ceedataa ɗo, ɗiɗo ɓe njiɗaa ma njiggantaa ma. Ɓe mbi'aanaa nde ɓe keɓi ma fu, na ɓe ittu yonki ma." O jaabii o wi'i noon na ? Laaddeeru men wi'i ayyo.

Ngoonga! Ngaari ɓaleeri ndi heddii jaɓi ko laddeeru ndu wi'i ɗum. Ndi seedi e ga'i ɗiɗi ɗi, na ndi yaha kayri tan. Nyannde gom laddeeru urnyii ndi kayri tan. Nanngi ndi liɓi, nyaami faa haari.

Nyalaaɗe na nyaha na ngarta. Laadeeru men muuyi nyaamude ngaari ngootiri gadi. Ndu tefi fewre ndu feni. Ga'i men mbanyondiri, faa ngari ceedi. Laddeeru men falii ngootiri nyaami. Acci balɗe seeɗa, de falowii heddiindi du liɓi nyaami. Nih wonnoo ga'i tati ɗi fu nyaamaama.

Semnde walaa dooɗo woni, so wanaa ley paamiral e nanngondirde e hoolaare.

En tinnoo nanngondiren.