36. Ndotti
Goɗɗo gooɗom du wiitaakena Ndotti; mo yaha fa o tawi nyaalel dow tefaare na darii. Tan o wii ɗum nyaalel, foofoo! Tan nyaalel wi'i mo "piiciti pooco." O wi'i piiciti pooco? Min mbi'ata piiciti pooco? A faaman ko woni piiciti pooco. Tan ɗum mettimo; o yehi mbarkileehi, o siri baajel, o wari o tawi nyaalel na darii dow tefaare ton tan, o haɓɓi ɗum.
O haɓɓunoo nyaalel tan, mo jogii mo yaha, mo yaha faa goɗɗo hawri mo. Tan wi'i ndotti koree jam? Ndotti wi'i ƴamee nyaalel. O wi'i nyaalel koree jam? Tan nyaalel wi'i:
Oo ni tawi kam dow tefaare,
Miɗo fitta e fittugol am,
O wii kam nyaalel foofoo,
Mbii-mi o piiciti pooco, piiciti pooco,
Nyaale poliiɗe pooli,
Jaka ɗum non ndotti ɓeerni,
Siri bajel haɓɓi nyaalel,
Herkiti daangel dow tefaare.
Miɗo fitta e fittugol am,
O wii kam nyaalel foofoo,
Mbii-mi o piiciti pooco, piiciti pooco,
Nyaale poliiɗe pooli,
Jaka ɗum non ndotti ɓeerni,
Siri bajel haɓɓi nyaalel,
Herkiti daangel dow tefaare.
Tan ɓe mbittii gadin. Ɓe njehi ɓe kawrowi goɗɗo gatin. Ɓi! koree jam, ndotti? O wi'i min kay mi anndaa, ƴamee nyaalel. O wi'i nyaalel, koree jam? Tan nyaalel wi'i:
Oo ni tawi kam dow tefaare,
Miɗo fitta e fittugol am,
O wii kam nyaalel foofoo,
Mbii-mi o piiciti pooco, piiciti pooco,
Nyaale poliiɗe pooli,
Jaka ɗum non ndotti ɓeerni,
Siri bajel haɓɓi nyaalel,
Herkiti daangel dow tefaare.
Miɗo fitta e fittugol am,
O wii kam nyaalel foofoo,
Mbii-mi o piiciti pooco, piiciti pooco,
Nyaale poliiɗe pooli,
Jaka ɗum non ndotti ɓeerni,
Siri bajel haɓɓi nyaalel,
Herkiti daangel dow tefaare.
Ɓe mbitti gadin. Kawruɗo ɓe fu ƴama. Faa ɓe njehi nokkuure gooɗom, nyaale na keewi sanne, kurmiti ɓe, mbi'i nyaalel koreei jam? Nyaalel wi'i ƴamee ndotti. Wi'aa ndotti koree jam? Ndotti wi'i ƴamee nyaalel. Tan nyaalel wi'i ɓe:
Oo ni tawi kam dow tefaare,
Miɗo fitta e fittugol am,
O wii kam nyaalel foofoo,
Mbii-mi o piiciti pooco, piiciti pooco,
Nyaale poliiɗe pooli,
Jaka ɗum non ndotti ɓeerni,
Siri bajel haɓɓi nyaalel,
Herkiti daangel dow tefaare.
Miɗo fitta e fittugol am,
O wii kam nyaalel foofoo,
Mbii-mi o piiciti pooco, piiciti pooco,
Nyaale poliiɗe pooli,
Jaka ɗum non ndotti ɓeerni,
Siri bajel haɓɓi nyaalel,
Herkiti daangel dow tefaare.
Tan nyaale kurmiti Ndotti, kam en du, coppi ɗum ni, coppi ɗum ni, coppi ɗum ni fa, fa, faa ndotti du waati. Nde njoppi nyaalel fiiri.
Tijjaani Ba