Sukaaɓe ɗiɗo, ɓe njaadan, faa ɓe ngari ɓe tawi ɓoccooɗe buugaali. Nde ɓe ngarnoo fu, gooto o wi'i: "Hey! en kooƴan ɓoccokoy pooli na?" Ɓe mbi'i ɓe kooƴan. Gooto wi'i ta en kooƴa, gooto wi'i wallay en kooƴan. O wi'i min ya, mi hooƴataa. Mbiinooɗo hooƴan oo kay hooƴi. Nde hooƴunoo fu, yehi juɗoy, ƴakki.

Goonga! Buugalel du warowi na filoo ɓoccokoy muuɗum. Tawi hooƴaama; ni na fiiloo. Wari yi'i sukaaɓe ɗiɗo, ƴami ɗum en, wi'i: "Sukaaɓe yalla wanaa onon kooƴi ɓoccokoy am na ?" Mon fu wi'i hooƴaay.

Buugalel wi'i on penii, gooto mon ni hooƴi. Ɓe fu ɓe mbi'i ɓe kooƴaay. Buugalel wi'i ndelle si on kooƴaay fu, min ya mi yiitan kooƴuɗo. Ngaree mi holla on; ngaree mi yaara on to ɓunndu, penɗo fu faamete. Sukaaɓe ɓeen ndu tokki wuugaandu faa njottii nokkuure gooɗom. Tawi ɓunndu ɓoldu, ndiyam fu walaa ton. O wi'i gooto mon naata. Mbiiɗo hooƴaay fu naata. Mo hooƴaay on artii naati. Nde naatunoo fu, o wi'i ɗum wi'a:

Goonga! tan suka on naati, darii ley ɓunndu ton, wi'i:

Goonga! o wi'i noon. Wuugaandu na won dow lekki na ndaara. Wi'i o wi'a gatin:

O wi'i non gati; ni huunde fu waɗaay, tan wungaandu wi'i o wurtoo. O wurtii. Gaɗa oo to wurtoke ni wi'aa ɗiɗaɓo o, naata. Wi'i jaadiiko du naata. Oon du naati; o wi'i ɗum wi'a non. Kam du wi'i:

Tan ndiyam fuɗɗi na wurtoo ley ɓunndu ton faa yottii koyɗe muuɗum. O ndaari, o hulaay ginan. Wuugaandu wi'i o wi'a non gatin; o wi'i:

Suka gorko yimidinnoo fu, ndiyam wurtii ley ɓunndu ton gadin faa yottii mo koppi. Wuugaandu wi'i o yima gatin. O yiman tan ndiyam na ɓeydoo. Na, o yima tan ndiyam na ɓeydoo fa, fa, faa ndiyam yottii mo daande. O yoolii tan pooloy fu, ngonnookoy ɗon, pooloy taarabiindi, ngari cuppiti mo, cuppiti mo fa, fa, faa kedday mo fay gootum. Non faa o maayi.