Nyannde gooɗom, goɗɗo na wi'e Laamɗo. O waɗi ngesa ɓenndunga sanne. Gure ton fu, ngesa makko ɓuri ɓenndude. Tan nyannde gom pooli fu mbi'i njahan nyaamowa ngesa Laamɗo.

Tawi Poolel gootel gooɗom, pooli ngari panti ɗum, mbi'i ɗum war nyaamowen ngesa Laamɗo. Tawi poolel ngel le, kam kay leeɓelel fu walaa, gilla rimanoo fay leeɓolol walaa; wi'i noy ngaɗan-mi kom yaha ? Fay leeɓolol mi walaa; mi waawaa tokkude on. Tan pooli fu kawriti, mono fu itti leeɓolol wuƴii ngel. Jaɓu leeɓelel leeɓelel de tokkaa min.

Pooli fu kokki ɗum leeɓolol leeɓolol faa kam du heɓi leeɓi, tan fiiri tokki pooli. Ɓe njehi ngesa Laamɗo, ɓe nyaama, pooli ɗin na nyaama na nyaama, na nyaama, faa jom ngesa du, Laamɗo on, nde warno fu, waɗi: "Huu!" Tan pooli fu piiri. Piiruɗo fu, wara to poolel teeta leeɓol mum dillida. Ɗi fu ɗi teeti leebololji majji tan Poolel heddii walaa leebol fay gootol. Saami ley ngesa.

Tan jom ngesa, mbiiteeɗo Laamɗo on, yottii tawi poolel na fukkii. Wi'i Poolel, ɗume ngattaa ɗo ? Tan Poolel jaabii wi'i o:

Fu Laamɗo on wii mo: "Noy ? Poolel, yimu mi nana gadin." Tan poolel wi'a:

Ɓii! jimol ngol welii mo sanne. Tan o hooƴi poolel, o hoori suudu makko, baade makko, o watti ɗum ley lukaare makko, o wi'i poolel yimu gatin mi nana. Tan polel wi'i:

Tan o ommbi lukaare.

Suubaka fu, si o dawa tan o wara o wi'a poolel yimana mo; poolel yimana mo, tan o ommba. Poolel na won ley lukaare na nyaama gawri, na nyaama. Subaka fu poolel na yimana mo, na weli mo, ni poolel na nyaama, ni leeɓi muuɗum na puɗa, ni poolel na nyaama, leeɓi muuɗum na puɗa. Faa nyannde gom wari o yuurnii o ndaari o tawi wallaahi Poolel ngel joonin kay fayii sanne. Waɗii leeɓi. Jon kay o muuyii nyaamde ɗum. O waɗi na yima:

O ommbi o wi'i joonin kay Poolel yonii nyaameede.

Timmii. O yehi ladde fa o teenowa leɗɗe jon kay o wara o duppa Poolel makko sabu mawnii. Nde o dillunoo fu deekiraaɓe makko ɗiɗo ngari; kamɓen du, na nanannoo weeti fu poolel na yimana mo. Tan njottii mbi'i: "Poolel, yiman min minen du nih." Poolel wi'i mi yimataa si wanaa omton kam mi yi'a yaasin hannden kay; ɓe mbi'i wooɗii; wurta! Poolel wurtii, yimani ɓe faa wooɗi:

Ɓe mbi'i wallaahi Poolel, aɗa weli daande, yimu gadin. Poolel wi'i accee kam mi hoɗa dow suudu min du mi foofa seeɗa. Ɓe mbi'i wooɗii.

Poolel wurtii hoɗi dow suudu ton; ɓe mbi'i yimu ni poolel. Poolel wi'i wooɗii:

Ɓe mbi'i: "Ɓii! Poolel, aɗa weli daande, yiman min gati; min cawtaay. Poolel wi'i accee kam mi hoɗa dow yooboonde suudu, min du, mi foofa seeɗa. Ɓe mbi'i wooɗii.

Poolel wurtii hoɗi dow yooboode suudu ton; ɓe mbi'i yimu ni poolel. Polel wi'i wooɗii:

Ɓe mbi'i: "Ɓii! Poolel, aɗa weli daande, yiman min gati, min cawtaay. Poolel wi'i: "Accee mi ndaara yalla miɗo waawi fiirude faa mi yottoo lekki ki, mi warta. Ɓe mbi'i yaw, ngaraa.

Poolel fiiri faa woɗɗowii, yottii gadin, hoɗi; ɓe mbi'i ɗum yima tan yimani ɓe faa weli ɓe. Poolel wi'i accee mi fiira faa mi yaha to dey, mi wara; ɓe mbi'i yaw de ngaraa. Poolel fiiri. Na ɓe nji'a na yaha. Hey! Poolel wartu nih. Toy! Poolel kay ɓe nji'aay ɗum gadin, halkowii.

Ngoonga! ɓe anndaa fu noy ɓe ngatta. Ɓe anndi goriiɓe wartii fu, woolde na won ɗoon. Jon kay noy ɓe ngatta ? Ɓe ommbi lukaare, ɓe naati jonkay ley ladde ɓe piloo Poolel. Ɓe njiitaay Poolel. Ɓe njehi ley gese; ɓe piloo ɓe nji'aay, si wanaa ɓe kawri ɓe nanngi, dulguwal ɓe ngari ɓe ngatti ley lukaare ɓe ommbi.

Wanaa haala, gorko mawɗo du wartowi faa jemma; muuyaay Poolel yimana ɗum jemma ndeen. Fukkini leɗɗe muuɗum, acci faa weeti. Yottinoo fu, omtaay lukaare fey de wi'i: "Poolel yimanam." Tawi dulguwal won ton, wi'i:

O wi'i: “Hey! ɗume won ɗum ? Poolel, yimu, yimu mi nana nih!" Dulguwal wi'i:

O wi'i: “Ko won ɗum ?" O omti o tawi dulguwal. O nanngi ɗum o fii looci de o naati o sankiti deekiraaɓe makko.

Ni wonno haddi taalol ngol.