Waɗiino e jamanuuji, haala hakkunde goppere, ndontoori e naange. Nyannde gom goppeere yehi ɗo naange hiirowi. Nde goppeere warnoo heɓa hoota, naange wi'i o nyamndoo ɗum buuɗi faa heewa. Heddii goppeere yedday. O wi'i naange wara wuro. Naange warowi jaɓi nyamaande ndeen.

Nyalaaɗe na njaha na ngarta. Lebbi na tawtondira. Goppere warowi muuyi buuɗim. O nilani naange kile kewɗe. Naange nootaaki. O yehi wurom kile kewɗe. O taway ɗum. Wari goppeere anndaa fu no watta. Nyannde gom o nyalli wuro naange na o heɗii. O yi'ay naange. Ɗo o ummii na o hoota ɗo, o hawri ndontoori.

Goppeere fillanii ndontoori ko naange waɗi ɗum. Ndontoori jaaɓii wi'i: "Ɗuum walaa baasi. So na a haajaa biltaade na woodi ko ngaɗata." Goppeere ƴami ko jey waɗude heɓa hewta nyamaandem. Ndontoori watti jaabii: "So rewii faa fajiri warii, a nanii mi fii daande, ummoɗaa ndogganaa naange."

Ni goppeere hooti. Jemma wari. Nde ɗaanii. Nde goppeere nanunoo ndontoori na dogga fu, ummanii naange. Yo yahan yo yappan. O yottinoo wuro naange ni o tawi na ɗum heɓinoo heɓa ɗum wuytoo. Goppeere wi'i naange yeeƴo heɓa ɓoy mbiltondira de ɗum sakitoo ɗum yaha ɗo ɗum yahata fu.

Heddii naange yeeƴii. Ɓe njooɗii ɓe mbaalnondiri jam. Goppeere itti fillii. Naange ƴami goppeere moy holli ɗum wara wakkati mo wari o. Ni goppeere murii. Naange wi'i tilay o holla. Goppeere watti muurii. Naange watti wi'i: "Goppeere, mi taƴor so wanaa goɗɗo holli ma, a waawaa anndude wakkati moy tawetee-mi wuro. So Alla jaɓii, a hollay kam innde joomum a hewtataa nyamaande maa." Goppeere watti murii. Naange tekkini haala. Wi'i koo taƴor, dagu no taƴori koo mburɗo yo maayan nih, so goppeere hollay ɗum ngoonga, nyamaande nde yoɓataake.

Heddii goppeere huli ta waasa buuɗim. O wi'i: "Wallay na woodi kaalanɗo kam. Yo ndontoori. Kam holli kam wakkati ummotoo-mi so na mi yiɗi tawde ma wuro." Naange wi'i goppeere hoota ko o yoɓɓirii ɗum nyamaande nde, ndontoori. Ko ndontoori rimi e ko taani fu, goppeere nannga so na haajaa.

Ni goppeere waynii koo hootan. Annoo laawol ni yi'i cofal e coppim na njaada. Nde wootere ni goppeere men mojii, ɗoppitowi coppi ɗiɗi. Fiiridi ɗi faa hootowi dow, holli ɗi adunaaru de sakitii taaɓodii ɗi. Ndelle paamee koo ko goppeere anta coppi ɗum, yo daande woni ɗoon. Illa nyanndem, so goppeere adii sooru, tilay holla adunaaru, heɓa denta feloore e hoorem. Saboo yo njoɓdi nyamaandem.