Kaŋko, o wona hunuko maa; aan, lomtono ɗaa mo Alla. Ƴettu nduu ɗoo sawru ndu pot ɗaa waɗirde maandeeji.” Muusaa fokkiti, ruttii to esum hono Yetoro, wii ɗum:
“Mboɗo ñaago maa, yo a accam mi yaha to yimɓe leñol am wonɓe Misira ɓe, mi ƴeewa so tawii aɓe nguuri.”
Yetoro wii Muusaa:
“Jaañnde!”
Ko ɗuum waɗi, Muusaa waɗɗini jom suudu mum e ɓiɓɓe mum worɓe e dow bamɗi, ruttii leydi Misira.
O weelnii sawru ndu Alla wiynoo mo yoo o nawor nduu.
Joomiraaɗo wiy Haaruuna mawnum Muusa, “Yah to jeereende too pottoyaa e Muusa.” Haaruuna yehi fottoyi e Muusa to haayre too. Joomiraaɗo jaɓɓii ɓe toon. Muusaa anndini Haaruuna konnguɗi Joomiraaɗo neli ɗum ɗii fof. E kala kaawisaaji ɗi Joomiraaɗo hokki mo yoo o dallinaro ɗii. Muusaa e Haaruuna njehi. Ndeen ɓe njettiima Misira, ɓe ndenndini mawɓe Isra’iila’en fof.