Ɓii Fira’aawna debbo ari maayo lootaade. Sarwooɓe mum rewɓe ɓee ngoni e yahkindaade e sara maayo he. 0 sooynii pañe e hakkunde gañañnje, o neli korɗo makko yoo o yah o addanoya mo ɗum. O udditi, o tawi heen tigguyel gorel ina woya. 0 yurmii ngel, o wii:
“Ɗum ko ɓiŋngel barahuuta’en!” Ndeen tan, mawnum tigguyel ngel wii ɓii Fira’aawna o:
“Aɗa yiɗi mi yiilanoyo maa muyninoowo e nder rewɓe Barahuuta’en, mbele ina muynina tigguyel ngel?” Ɓii Fira’aawna oo jaabii, wii:
“Yah!”
Suka debbo oo yehi noddoyi yumma maggel. Nde o ari, ɓii Fira’aawna oo wii mo:
“Naw ngel ɗoo tigguyel, muyninanaa mi ɗum, ma mi yoɓe.”
Caggal ɗuum, debbo o nawi ɓiyum, muyninoyi. Nde ngel mawni, o artiri ngel to ɓii Fira’aawna debbo oo; ngel wonti no ɓiyum gorko nih. 0 inniri ngel Muusaa ɓayri o itti ngel ko e nder ndiyam.